少年夢: Argiolas Wine Dinner

2022.11.2 (Wed)

Testina

11月打風，天在變，人在風暴中，甚麼都難以估計。今次的颱風名尼格，星期二已經整天在掛三號波，睇路線係好近香港掠過，風速則超慢，只有每小時10公里，估計唔會掛更高風球，對明天的wine dinner並無影響。誰不知星期三返工前天文台已知會將於中午至二時之間會掛上八號風球，嗱嗱聲返工做完嘢回家，趕在掛波之前回家。在家休息之際，收到訊息今晚dinner 繼續，唔去可回水，我倆緊係死跟，有地鐵嘛，而且個風都唔係好勁，小心行路便是。

去餐廳的路途上，真的無風小雨，行在靜靜的街道上又幾舒暢，入到餐廳立即做個快測，唔記得在家做也，可能以為會取銷吧！打風天去 wine dinner 都未試過，取銷就試得多，估唔到又有好多客像我倆一樣風雨無阻，取銷的只有少數。

今次再到 Testina，都好想知道比起上次自己嚟食，wine dinner 的水凖會如何呢？結論係一樣咁好食。難得八號風球wine dinner 都能成事，一於買些酒紀念一下。