兩叔侄

2023.2.7 (Wed)

昶

個侄今次專程從加拿大回港，主要是辦理將大佬的骨灰帶回加拿大安放，順道見見我們這班親戚。我都算由細睇到佢大，經常假日都會到嫲嫲家住，大佬又週不時 call 我去接佢走，因為佢要同班朋友大吃大喝，條豆靚阻手阻腳也，我有少少唔明點解唔叫佢老婆去接呢？到大個些少我都有叫佢幫手踢波，自己老化走唔郁嘛！直到大佬去加拿大移民為止。

我個侄真係幾乖架，又聽我話，佢走左我都好唔捨得。而最有印象的是大佬回流香港之後，曾經有兩三年家族一起去旅行，最經典就係06年到瑞典哥登堡探二家姐，個侄當時還未結婚生子，比較得閒，專程從加拿大飛往哥登堡 join 我們一班老嘢，認真唔話得，佢主要負責揸車，二姐夫揸佢自己的，佢就揸租的。旅程策劃者本人，行動者小英，參與者家人也；快遊北歐四國，感受到凝聚家人一起的快樂，是我當時最大的得著，看見大家全程投入，過後也經常將此次旅程掛在口邊，可算是我平凡人生中的一次不平凡旅程。

回到現在式，要找一處理想碰面地方，我就諗起佳哥呢處。雖然明晚我都要嚟呢處食Sake Dinner。

去到佳哥處佢好驚訝我冇帶酒，我話飲你哋可以了，今晚不是來品酒，是來親敘。兩叔侄都好耐冇兩支公傾偈，知道佢會步佢自己父母後塵一般的離婚收場，有點唏噓，小朋友最麻煩，佢十分之錫個女，幸好個女的不爭撫養權。

自己年事已高，近兩年體能差了很多，今晚帶埋老豆老母的遺物交俾佢，將家族責任轉託，藉此了件心事，死鬼父母知道都會好開心，佢兩個在生都好愛錫呢個長子嫡孫。

穴子

白子

石鯛

赤佐蝦

赤穗  兵庫縣

針魚

蟹湯

北海道毛蟹  海膽

剝皮魚

縞蝦  鰤魚

腦天

蜆湯

北寄貝

青柳貝

海膽三文治

酒盗忌廉芝士

鮟康魚肝  淮山曲奇