濟州七天之旅 day 6

2026.4.3 (Fri)

保健保肝專賣廳 → 韓國傳統工房DIY，親手製作Kimchi + 傳統韓服試穿及拍照 → 梨湖小馬燈塔 → 東門市場

行程到尾二日，與昨天行程模式一般模樣，上午購物點，下午景點，但就不多。上午購物點較適合我這群團友，護肝品及海苔大買特買。

早餐依舊是昨天菜式，但今早英英調配了一杯大咖啡，不用續杯。

1. 保健護肝專賣廳，團友們極之欣賞販賣的護肝產品，可能品牌在香港亦有專賣店，而此處賣得比香港便宜得多。呢個專賣廳只賣兩款產品，一為護肝，一為清血管。我自己覺得一買就要買好大包，好多樽，好貴，都係聽過便算。

2. 韓國傳統工房DIY，親手製作Kimchi + 傳統韓服試穿及拍照，先玩製作Kimchi，製作Kimchi其次，最主要是介紹紫菜產品，團友試過各款紫菜之後，喜歡就立刻落單，多買多送，差不多全團人除我倆之外，全部拎住專賣店的手抽離開。等紫菜時段，亦係試穿韓服時間，試穿很方便，不用到更衣室，套上便可以了。小英子揀了紫白色韓服，很漂亮，我沒有玩。

3. 午餐鮑魚海鮮鍋，鮑魚好吃，勁多青口，湯底鮮甜。

4. 梨湖小馬燈塔，一白一紅造型的馬匹燈塔，紅馬可以埋身，白馬有點遠。

5. 東門市場，非常有名的韓國購物街，老友太太團嚟到必定大買特買再分贓，我自己沒有買嘢癮，行了兩條街已經有點無聊。從地下街上番地面，看到有間Starbuck，聽離團自由行團友講過，韓國Starbuck 有韓式特飲，一於入內試試。我揀的抹茶好好喝。

晚餐今晚真的要吃自己，大雨天只能在附近餐廳揀選。韓式炸雞今期未試過，就揀BHC 炸雞店食炸雞。一大盤炸雞，頭兩三隻由自可，清理完整盤炸雞就真的好熱氣，怕怕！離開時店外大排長龍。

住宿：Hotel Air City

韓國傳統工房DIY

我製作的Kimchi

鮑魚海鮮鍋

梨湖小馬燈塔

超市shopping

韓式特飲

東門市場

BHC 炸雞店

人氣炸雞