慈山寺

 2023.11.4 (Sat)

慈山寺

今日慈山寺觀音誕開放日，舊同學 CH就班來門票請我們一眾老友去參觀。 現在退休沒有靠山的我，好難有呢D 好嘢送上門，當然要去。 晨早起床到太和，未來得及食早餐，買個麵包食便算。 1000 等齊人發覺太和站內已有慈山寺專人帶路去搭專車，來回有專車真係夠晒貼心。 誠哥善有善報！ 今日個太陽超猛烈，英英揸住張地圖和大部分遊人一般跟隨指示去蓋章，集齊十個蓋章，亦即是大致上行勻慈山寺的主要建設。 行完大夥兒隨DP 到太和站飲茶，食完到BW 富景晚飯，非常充實的一天。

一落車，冇得走，有義工指引先坐低聽嘢，睇個簡單介紹慈山寺的Video，才可自由活動

義工遍布寺院每一角落

觀音像終可近距離一看

大熱天時，抄經活動都滿座

博物館有冷氣嘆, 左手面慈山十願蓋章處其中一站

撤退

大埔燒烤

2023.8.19 (Sat)

W97

GW 遷離紅磡，搬回老家大埔之後，約了幾次都夾唔到時間，今次終於搞得成天九局加燒烤大會，總數十三人。我和小英子二點左右離家先到新桂香買叉燒及燒肉各一斤，再搭 118到紅磡轉東鐵去太和，在GW給的完美指示下，大約四點去到W97，衛徑路段牌，就貼在GW住的村屋門前大榕樹身上。

我倆最早到場，GW就剛剛從街市買完嘢回來，他媽媽亦只是早我們幾分鐘到。各路人馬陸續到來，未燒先來一局天九熱熱身，1830左右外出起爐透火，我人太阻掟，用對眼幫手，亦影低紀錄下誰最賣力做嘢！其實我之後都有出手燒了蝦，牛丸，叉燒和燒肉，算是略盡綿力。

食完再開枱，一枱天九，一枱麻雀，我打天九，不過下半場手牌唔靚，打到個人逗逗哋，越打越眼瞓，趁牌友肚餓煮麵食，行出門口揾唔打牌的人傾下偈，抖抖氣，再繼續。呢間村屋最大好處就係三層住嘅都係GW嘅親戚，地下客廳公用，有印傭每日幫手打掃，每日都會好熱鬧，假日就更加派對連場。快樂時光過得快，玩到午夜過後要call 車回家。