開啟親姐活動

 2025.1.19 (Sun)

將軍澳大橋

個人天生比較被動又懶散，叫我主動約人係非常之少有，今次將軍澳大橋散步亦不是我主動邀約，是我侄子的母親吹雞，約了我和我兩個家姐一同參與。兩位家姐我都有年多沒有見面，難得一聚亦滿懷興奮，加上今日陽光燦爛至極點極，好似小英子名言，可以吸收大量維他命D。

在將軍澳地鐵站集合，一行五人便開始行程，原意是行一個大圈回將軍澳，但小可在烈日下行至日出康城已經有點兒腳軟，坐下飲啖茶食個晏已疲不能興，於是就在日出康城與大家分手。

我們還有下一個景點要到，就是觀塘美德旗艦店舉行廚具家電開倉大激減，買99元的多士爐。去到觀塘站出站後有一點迷失，跟Google map 行去偉業街221號美德工業中心，到埗後才知可以沿出站後的開源道直行向碼頭方向便可快捷到達，行大運自不然要俾小英子揶揄一番。開倉真係超多人，買家絡繹不絕，好像不用錢買一般，大家都帶備車仔而來，我自問一見人多便會心煩意亂，只能在門外等小英子購物後排隊俾錢。會合後便一同到觀塘碼頭搭船到北角轉82號回家。今次是小英子第一次觀塘坐船體驗。到岸後先到一田買兩pack 壽司回家吃，太累不想煮也。