豉油王撈粗

2026.2.5 (Thur)

中旅社 → 王林記

時光飛逝，不知不覺回鄉證五月中便到期，若非呢兩年去多了祖國，可能都發覺唔到。在網上預約了今早 1040 辦證，辦證要相片回執條碼，只得提早到二樓專門為辦回鄉證的影相舖拍照。拍完照上到14樓中旅社，嚇了一跳，可能大鄉里掛，比起印像中往時塞滿人的境況差太遠了，人少了，空間大了，人都舒暢多了。從自助辦證開始到俾錢走人，全程30分鐘左右，快速方便，令我非常欣賞這個網上預約制度。

辦完證搭車回柴灣，早餐未食肚子發出警號，原本想去中興食崩沙腩粗，諗住788一定早到過780，結果780先到，上車再諗食乜。想起上次睇小男人週記時誤認某某麵家是王林記，那時便想食王林記的豉油王撈粗。現在不是食飯時間，應該坐得舒服，食得舒適，一於在青年廣場落車行去，食完再到超市入貨。

叫了個牛腩豉油王撈粗，加杯至愛凍茶少奶，為今早劃上完美句號。