曝罟灣 ‧ 太墩
聞名已久的太墩日落睇唔到, 但就無阻上山的興致, 至於摸黑落山就始料不及, 因為我自己電筒都沒有帶, 幸好同伴大部分都有齊全裝備, 當然包括埋電筒. 否則動用到手機電筒就麻煩了.
小英子要準備12月2日的日語N2能力試, 沒有隨行. 我就湖海洗我胸襟, 千山與友共行, 實行秋冬行第一擊. 其實最主要是資質所限, 而且又經常心似平原走馬, 唯有本著盡力而為的心情去考便算了, 希望可以勉強合格就上上大吉了.
早早起身出發到彩虹站等齊坐車入西貢匯合另一伙人一起食早餐, 再坐車入北潭涌. 計劃為早上玩曝罟灣, 下午3點上太墩睇日落.
在北潭涌泊好車, 跟手行去曝罟灣, 景色相當之好, 但就幾簡單下, 有人在此釣魚. 回程先食個麵再出發上山. 起初都幾易行, 到尾段要手腳並用時, 因為沒有吃藥, 及高估自己實力的關係, 扯晒蝦. 上到山頂暈暈地, 企唔穩. 小抖一會, 雖無落日紅霞, 亦都少不免要大影特影一番, 不經不覺日之將盡, 大伙趕緊下山撤退. 只不過秋冬日子太陽哥哥落山快得很, 行得一小半已經黑齊, 摸黑逐步下山, 腳震震之下順利完成今次旅程.
在北潭涌小休一會, 膝頭肌肉又扯住痛, 安美露今日可以大派用場. 上車開往西貢食海鮮大餐, 盡興而歸.
西貢靚早餐, 麵包鬆軟
之前去白普理營觀星常路過
青青的桔
土窯
上窯文化博物館
向曝罟灣推進
沿途不少廢屋
有心人在樹上刻上曝罟灣三字
在此玩了個多鐘
釣魚人士
回程北潭涌
回程北潭涌時遙望太墩
士多午餐
咸檸梳打
丁麵, 牛肉, 魚肉燒賣, 冬菇燒賣
上太墩
上山頂開始要爬
索晒氣, 爬爬抖抖影影
千島湖
山高317米
天光玩到天黑
西貢全記, 樓上雅座, 大啖海鮮大餐
海鮮大餐
