2023.4.25 (Tue)
Lobster Bar
今晚飲Tommasi,由於不是很喜歡Armaone,早期就有買來飲,近來就少入貨了。今晚的De.Bvris 令我對Armaone 有新的印象,非常好喝,層次感提升了很多,不單止果香,更加多了些濕潤感,木炭煙薰味道。 LC 話應該係全場最好飲,而且價錢亦都係最貴個枝。我覺得有咁嘅質素,值嘅。
2023.4.25 (Tue)
Lobster Bar
今晚飲Tommasi,由於不是很喜歡Armaone,早期就有買來飲,近來就少入貨了。今晚的De.Bvris 令我對Armaone 有新的印象,非常好喝,層次感提升了很多,不單止果香,更加多了些濕潤感,木炭煙薰味道。 LC 話應該係全場最好飲,而且價錢亦都係最貴個枝。我覺得有咁嘅質素,值嘅。
2023.4.18 (Tue)
Awsec & Jing Alley
回港後第一個wine event,吸引之處當然是Richard Geoffroy 親自到場分享如何釀造 IWA 5 的過程。 Richard 在與大家分享過程中無異是十分之樂在其中,我英文咁水都可以感受得到,可見年齡不是問題,對酒的投入度才是關鍵所在。一個小時的分享雖然意猶未盡,但Awsec 負責人預約了餐廳 2000 開始dinner 就不能逾時太久,大夥隨即移師到位於附近的川菜館井巷子繼續第二攤。餐廳食物水凖非常OK,我唔食得辣都可以接受,沙田18的片皮鴨食得多,呢間井巷子亦不遑多讓,燒得皮脆肉嫩,餡料蔬菜多了蜜瓜相得益彰;麻辣鮑魚手撕雞,鮑魚與雞的配搭非常之Marriage;皺皮椒酸菜英國深海鱸魚,湯底甜美成主幹;乳鴿略咸,但肉質嫩滑;麻辣蒜香龍蝦球米線,米線冧了些,蒜香味濃。
Sake 一向是不懂欣賞,專家講都冇用,今晚之所以嚟,最主要是與酒界傳奇 Richard Geoffroy 集郵。前輩由法國轉戰到日本,由香檳轉戰為Sake,一切的變化,可見其對酒的熱情和信仰仍在不停探尋之中,絕對值得敬而重之!
2023.4.8 (Sat)
波爾多→法蘭克福→香港
今次波爾多旅程的最後一個早上,起了一個早,0630 起身,執行李,繼而到La Grand'Vigne 食早餐,GK 嚟過食話晚餐好得,好彩我都可以在此食早餐,都好得。預約了0900的計程車凖時來到送我倆到機場,車程30分鐘左右。
上機在Gate 2,boarding time 1200,1230飛。到閘口時見人太多便落樓下坐等上機,1145左右,安檢姐姐嚟到呼籲乘客撤離閘口至安檢區外,傻下傻下離開到候機大堂,機場仍然沒有宣佈因乜解究要疏散已安檢的乘客返回候機大堂。繼續等宣佈派彩,呆等了一個小時左右,終於有廣播呼籲乘客按航班重新開始進行安檢入候機室。機場個廣播聲音實在細聲得緊要,而且講法文多過講英文,人又多又嘈吵,只得找個有利位置見機行事。廣播每宣佈到那一班機可以重新安檢,近閘的乘客朋友便會大聲歡呼。等到後來我們飛的航班都著了燈,要將等的位置靠近番閘口才是上策,幸運地靠近我倆位置的乘客也是飛法蘭克福的年青朋友,見佢哋無神神歡呼起來,我唔知乜事都照跟,佢行我又行,順利過關。
上到機,望望個電話,發現漢莎航空不停有 email 更新起飛時間,1245,1330,1355,1425。只是我的手機在機場收不到網絡而已。飛機上的機組人員廣播就清晰好多,呢場大龍鳳主要原因是機場方面發現有條茂尼無情情在跑道上出現,要搞清楚先可以重新上路。飛得未,未曾住,坐坐下又有新搞作,機長先宣佈發現一個未上機乘客的行李,要等搞清楚先飛得,跟手再宣佈有三個來歷不明行李出現,唔搞清楚係唔俾飛嘅!漢莎真係一間有承擔嘅航空公司,很多時坐在飛機上係只有不明不白地等。望住停在隔鄰的飛機一部一部的離去,幾時飛得呢!
心情一步一步往下沉之際,機內傳來可以起飛的廣播,1545 終於可以飛離波爾多,1725順利飛抵法蘭克福,距轉機的 Boarding time 2005 尚有充足時間可以食個大餐,買下手信。
2050 凖時飛離法蘭克福,夢幻般的波爾多之旅順利落下帷幕!
2023.4.7 (Fri)
Smith Haut Lafitte
延續晴朗好天氣,要離開住了四晚的Bages真的有D唔捨得,只要一想起Bages呢個字,就會記起第一次上705嬸嬸的巴士時,嬸嬸好醒目地一再說Bages呢個字,OKOK之後,放心等佢返嚟接載我倆到Bages。
鬧鐘0630響鬧,搭上 0830酒店幫我們預約了計程車載我們到Pauillac火車站,搭0908班車到波爾多Saint Jean火車站。原定有的士司機會在車站 Hall 1 對面馬路的餐廳前舉起寫上 Caudalie字樣的牌子招呼我們,可能因為我們火車略為延誤了十多分鐘才到站,下車後已見有位叔叔在出口處舉起寫上Caudalie的牌子。接駁超順暢,好快便已經到達酒店,車程只不過20分鐘左右吧。未入得房,餐廳亦都未開,在酒店周圍行了一圈等餐廳Rouge開門。
午餐好豐富,鴨肉漢堡好好吃,食完到Reception取匙睇睇間房有幾靚,比Bages細D,冇大張枱寫嘢。窗外湖景就冇得頂,又可看到冇得食的米芝蓮二星餐廳,滿足一下好奇心。
坐一陣便要再出動去酒莊參加1515 出發的酒莊Tour,要另加44元,接待我們的姐姐好快便講完,極度商業化,1550已經試飲完畢,成為今次行程中,酒莊Tour 完成時間最快紀錄者。今期試飲了20 年白,及16年紅,兩枝都好喝,20年的用黑色酒標,好特別,不是每年,可能5年一輪,又或者10年一輪也說不定。
Spa 唔等人,小英子一早已經預約了玩葡萄籽按摩,拿拿聲回房取短褲出發往美容院。進門之後確認身份及預約項目,取過職員拿來的拖鞋跟隨至更衣室,聽過如何使用Locker,經過16年瑞典一役,每次對付外地Locker 都會加倍小心。呢個Locker 係先按一次號碼作為密碼,再重按一次便可以打開。 Easy!換好短褲,放好衣物,出泳池等叫名通知入房做Spa。與小英子泳池相遇玩冇幾耐便聽見姐姐叫Mr. Chan。入房換咸旦超人底橫,超袖珍,我咁嘅身材,差D唔識著。好彩我係唔知醜嘅,步出後便依言趴底。揀了Natural Music,隨即開始葡萄籽Spa療程,姐姐將葡萄籽反覆塗我全身之後,便著令可以沖身,再換另一條咸旦超人,出去再趴底接受治療,又真係好relax。快樂時光過得特別快,未瞓著已經玩完,出去玩蒸氣浴,按摩池等小英子。
預約了1930晚餐於 La Table du Lavoir,波爾多之旅最後一個晚上,點都要食好D,今晚食套餐,有前菜,主菜及甜品三款,酒開了枝2009年 Lagona Baron,絕對是特價酒牌中的首選。吃大餐之餘,英英更預先通知餐廳我近期生日,結果食完送來生日快樂蛋糕併盤4件作結,為晚餐劃上完美句號。
在波爾多最後一個晚上,回房途中,抬頭晚空,滿是星光,個天都要逼我將帶來未用過的東西拿出來用一下,回房取過腳架與G16,一於影陣星空及夜景才回房沖涼睡覺。