2023.4.3 (Mon)
Pauillac
今天迎來一個大晴天，日照充足，上午全程在車上渡過，下午參觀兩個酒莊，行程冇變，但內容就稍有修改，一切都是源於交通問題。
上午原定計劃0814－0844到Saint Jean車站，接0858－1001 車到Pauillac。接車時間好都冇用，0855才到Saint Jean車站，只得3分鐘轉車，最慘係落車後月台冇電視顯示各月台出車狀況，唔知往Pauillac的列車在那個月台開出有點可以立刻轉到車呢？英英率先往Hall查探，結果係送車尾，嗱嗱聲去站台搞Refund，一問職員之下，原來仲有巴士可以搭去Pauillac火車站，1000在Hall 2開出，距離不遠，有足夠時間找出車站位置。
巴士只得4個客，原途上落客亦不多，2小時車程，10個客都唔夠。 1215到Pauillac火車站，落車後在站內call Uber，原來Uber 在左岸真的好難叫車，冇人接單，好彩英英有巴士 705 線的資料，係就係徬徨一D，都要出去揾巴士站。剛步出車站到街口便見到巴士經過，我倆立刻雙手舉起亂搖攔截，蘇州就弊啦。幸好駕車嬸嬸好好人，肯冇站都停車詢問我們，立即表明上車意欲，又幸好嬸嬸英語可以，Bages OK 之後便答應轉頭回來接我們，再找巴士站，發現就在車站旁，影低站內的巴士時間表，方便日後乘搭。嬸嬸遵守諾言回來接我們，兩個人 4.6 元，但不能用波爾多的10程車票，真可惜了其餘的8程車票用不到。其實車站離酒店不是很遠，30分鐘左右行程，但拖住行李會很麻煩，有車坐好好多。
巴士站離酒店不遠，行20米左右便到。雖然未夠鐘，Check in 後已經可以入房，放低行李後睇電話才知道英英在Montransport book 了的 driver Alexander 取消了1545 往Pedesclaux 的訂單，英英唯有立刻在網上揾另一個driver。 1400 先參觀Lynch Bages，一團6個人，今次終於有團友一齊玩，負責導遊的姐姐非常之專業，介紹極之有表演性。試飲了2016 Echo，2015 Ormes de Pez 及 Lynch Bages 2014，好喝的當然是14 Lynch Bages，但比起之前兩間英英預約的Pape Clement 及Troplong Mondot 陣容上差很遠。玩完回酒店等車，但就等極都等唔到，時間緊逼，分頭行事，我繼續等，英英就回酒店揾Reception姐姐幫手，經Reception姐姐打電話查詢後，結果係接單嘅係亂嚟嘅，Reception姐姐立刻派出剛才幫我們搬行李的哥哥車我們到Pedesclaux，如是者我們便不用放飛機了。
滿懷感激地繼續酒莊行程，又巧遇剛才同團參觀Lynch Bages的兩位團友，搭訕後知道他們來自巴西。 Pedesclaux酒莊外貌都幾科幻，兩間建築物外層都係用上最時尚的玻璃幕牆，巴西朋友極之欣賞讚嘆。今次試飲 Fleur de Pedesclaux 2017 及 Pedesclaux 2015，好緊手。試飲時最主要係與巴西朋友攀談，知道佢哋有揸車，立刻借題發揮講出自己差D俾放飛機的慘況，搭訕成功，順利得到義載回酒店。
晚餐於Cafe Lavinal，今晚改飲啤酒，食少D。食完回酒店休息，再次拜託Reception 姐姐聯絡Alexander Reconfirm之後已經預約的行程，得知Alexander是因為壞車而爽約，情非得已，其餘行程冇問題。
今日雖然諸事不順，幸好得貴人相助，逢關過關，安然渡過。
沒有留言:
發佈留言