2023.4.6 (Thur)
Margaux
天晴,比昨天雲多了一點點,穿短袖已經可以。法國罷工影響之下,原定以火車作為交通工具往來Bages與 Margaux兩地,現改為用705路線巴士作為替代品。
早上搭1033 巴士到Lascombes,一落車已有路牌指引,落車行5分鐘左右便到酒莊,凖時到達,但揾個接待處位置就需要一點時間。酒莊接待姐姐名叫Yan,一個人做,入到去仍在接待上一輪visitors,等到1155左右才輪到我們。 Yan 好快便行了個圈,介紹完畢回到接待處試酒區試兩枝酒,2018 Chevelier de Lascombes 及2010 Lascombes;枝18 副牌TJ 在結婚週年飯局中曾帶過嚟飲,今次在酒莊有幸重遇,梗要影張相send 俾TJ 欣賞一下。 2010 非常之出色,Outstanding 質素。 1250玩完,行番出去大路等巴士搭去下午到訪的酒莊Pieure Lichine。 1300 所有店舖會關門午膳,趁麵包店尚未關門,匆匆趕去買了兩個蛋撻及兩個蛋糕作為午餐。
落車後,在Lichine 附近的公園野餐,好有feel,超寧靜,係俾個太陽曬到滾滾地。食完晏,到便利店買了一包腰果及車厘茄今晚吃。凖時到達Lichine。由Anna負責接待我們,姐姐陰聲細氣,給人工作認真感覺,我試飲完都冇走去集郵,怕俾人覺得冇禮貌。
試飲了2紅1白,2014 Pieure Linchine,2015 Confiedences de Pieure Linchine及2020 Le Blanc du Chateau Pieure Linchine,原本只試兩枝紅,枝白酒臨時加碼,不過就得好少好少。
出到大馬路,時間雖然遲了點,但依據搭705經驗,巴士到站時間例遲5至10分鐘,行快少少搏一下1513的705,免得等成兩粒鐘才再有下一班車。 1520見到705身影,真係唔使太陽照都暖在心頭上,再加上車門一開,司機又係705嬸嬸,那份親切感大家都心照不宣。下車時互道珍重,今日一別再會有時!
今日較早回酒店,晚餐諗住叫Room Service 唔去Cafe Lavinal 食。可以先到禮品店逛逛。結果買了三盒茶葉作手信,一枝2020 Blanc de Lynch Bages 今晚飲。
Shopping 完回酒店再玩桑拿加泳池暢泳,呢三日兩人獨享桑拿室,今日再獨享埋游泳池,超開心,超Relax,超自我感覺良好。
最後一天左岸旅程,住了四晚的 Cordeillan Bages 就好像自己屋企一樣咁舒適,親切。每早出門玩完之後,開心疲累也好,回來之時都有一種回家的感覺,精神放鬆起來。
沒有留言:
發佈留言