2022.6.30 (Thur)
HK Japanese Club
連續去兩晚 wine dinner 當然係因為兩個 dinner 都有吸引人嘅地方,今晚呢個 wine dinner 吸住我嘅地方有兩處,一係有十四代飲,二係飲食地方係會員制,街客要玩就唯有參加餐飲聚會,可以被帶進去。
連續兩晚都係飲白,口感難免較乾,清酒一向無甚偏好,但好早已知道十四代大名,亦都知道酒款眾多,入門酒價錢都不便宜,頂級酒如龍泉、雙虹等更不敢高攀;今晚能夠一試兩款十四代的入門酒款,配以會席料理,絕對是大幸福時間。
2022.6.30 (Thur)
HK Japanese Club
連續去兩晚 wine dinner 當然係因為兩個 dinner 都有吸引人嘅地方,今晚呢個 wine dinner 吸住我嘅地方有兩處,一係有十四代飲,二係飲食地方係會員制,街客要玩就唯有參加餐飲聚會,可以被帶進去。
連續兩晚都係飲白,口感難免較乾,清酒一向無甚偏好,但好早已知道十四代大名,亦都知道酒款眾多,入門酒價錢都不便宜,頂級酒如龍泉、雙虹等更不敢高攀;今晚能夠一試兩款十四代的入門酒款,配以會席料理,絕對是大幸福時間。
2022.6.29 (Wed)
中環國金軒
今晚多得麗莎姐的安排,可以試試西班牙酒的白色浪漫。五道菜配五枝白,有點兒單調,但也未嘗不可,始終 Champagne dinner 都係全白上陣。國金軒食物水凖非常之好,環境亦都極之漂亮,我們的房間可以望到維港景色,亦可看到霓紅燈上打出熱烈歡迎七一回歸的字樣,令我們聯想起台灣金門這個地方,JW 更大談他之前看過的大熱台劇華燈初上,那個時代正是他初出社會工作的時候,經常出沒於劇中的那條林森北路,對他而言感觸非常。
2022.6.26 (Sun)
聲哥廚房→山頂→僑福道8號
今日真的好忙,行程緊湊,節目豐富,中午先與伯母來個茶聚,繼而在山頂EC家出發後花園一遊,一遊就是三個鐘,本人身子弱,在此大熱天時,沒有吃藥情況下完成,出乎自己意料之外,行程上到消防局,我選擇搭車到EC家抖一陣再大吃大喝。
今晚EC家搞到會,我係第一次,好舒服,之前是EC煮俾大家食,如今佢可以不用落手落腳煮,大家可以舒適地一起食,流程比起之前有效率得多,1930開始,2130已經完成。今晚食潮菜,大廚珍姐好本事,好好吃。
2022.6.24 (Fri)
昶
父親節當日約了KK及JW今晚在昶試鐵板燒,之前母親節我已經率先品嚐了健師傅的手勢,今晚有幸可以品嚐另一位師傅的手勢,他就是泰師傅了;又一次新的體驗,泰Sir式鐵板燒,完全有別於健師傅的做法,健師傅會好多時用到蓋去慢煮食材,泰師傅則全程冇用過,健師傅主張味道清淡一些,每道菜都會主動問需要重手些嗎?泰師傅則個人風格會重些少,有問,但非每道菜都問。今次可以試到另一種鐵板燒煮法,實在既新奇又充滿驚喜。
大吃大喝完之後,佳哥、劍師傅及健師傅等相繼做完嘢後過嚟聚聚吹水,真係快樂到不知時光飛逝要說再見。