2021.1.23 (Sat)
今天10:30 便要出門,12:00 前要到新居等聯興行和宜家送貨。搭118超順利,50分鐘便到,交埋管理費時間都綽綽有餘。剛上樓便碰上油漆師傅出門,原來係去食飯而已,下午都會開工。我自己就趁此段時間一個人睇睇新居裝修進展情況,影影相。等到佢食完返來,避免阻住師傅做嘢,傾陣偈便下樓到公園坐坐,1530回來。剛剛聯興行來電3至4到貨,宜家就要等小英子轉告,只知道部送貨車已經在新翠商場。
走得匆忙,小說又冇帶,唯有睇手機,發覺手機電量將耗盡,幸好我做有凖備,帶埋叉電出嚟,誰不知自作聰明,拔走個C插,叉唔到電。平時就話冇電大丈夫啫,今日要等電話就大隻鑊啦。唯有行去上次食晏,位於斜路街口的Cafe Jo Jo座落的商場睇睇有冇叉電線賣。商場內只見理髮店,不見叉電店。唯有去終極目標地鐵站新翠商場,必有。買完條線,一路行一路叉,個心踏實好多,只不過無端端唔見幾草嘢。
回去師傅尚未走,吹水之時,收音機傳來Tamaki歌聲,原來翻唱自己曾寫給別人唱的歌,真係唔錯,要回家通告小英子。 1630 油漆師傅要走了,臨行前教我啪下電箱總掣便可離開,怕我矮小論盡,更幫我搬埋趟梯放在電箱下,十分之貼心。
繼續等到1645-1700左右,聯興行先到,宜家跟住到,宜家伙計冇單俾我點收就走人,可能要趕下場吧。我點完貨便撤走,聯興行大件貨如浴缸等係走嘅,小件嘢好似欠一個單位,可能放在某件貨的箱內也未可知。宜家對過曬Number就齊數。今日任務完成,快快樂樂回家去,總算有為新居出一分力,不用事事都有勞小英子。
冷氣機已拆
油漆師傅要做嘢,清走好多無謂嘢
廚房
雜物房三幅牆,一幅油好
晾衫通已拆
牆邊角位難怪咁直,護角條好嘢
牆身不平穩,會用網碼住
師傅用嚟開漿油
晾衫架仍未拆
1530重回新居已經油好未走之前的補牆位
收貨時間
聯興行
美國Kohler 纖維浴缸,德國Hansa Form 三件套裝,美國Moen 廚房龍頭,西班牙Roca 坐廁及廁板,其他配件
宜家可以追踪其貨車運貨進程