2022.8.23 (Tue)
Cuisine Cuisine
呢兩日天氣酷熱至極,馬鞍殺到也,下午看天氣圖個風好似吹得好正,但估計風力唔會好強,始終起風點近,不能積聚強勁能量吹襲香港,晚上掛一號風球,明天應該三號,所以絕對影響不了今晚的wine dinner。
今晚GW中招不能到場,改由BC主持大局,Gladstone winemaker Eddy 現身會場介紹其作品,想想都差不多有兩三年沒有見過 winemaker 現身 dinner 或 tasting 了。主辦單位有新小花到場,職責是GW的幫手,取代已離職年多的法蘭基,見佢做嘢幾積極主動,希望可以做長D吧。酒友就見番近年長困內地的聖彼得,好厲害,冇見咁耐都係此模樣,冇變過。
Gladstone 的酒未飲過,新西蘭新興酒莊,價錢相宜,酒質唔差,試後都有買酒意圖,道聽途說枝340 Blanc 2019 口碑極佳,試過都覺得幾得意,中等身材,清麗秀雅,不是追潮流之輩,似清流一道,唔錯唔錯!紅方面枝Blairpatrick Pinot Noir 2019 都做得好工整,出道三年已經顯出實力,韻味暗藏。 Cuisine Cuisine 六月尾吃過一次,近距離再遇,味道依然非常之好。