2023.8.27 (Sun)
怡豐喇沙 → 假日市場 → 郵政局 → 賓賓市場 → 酒吧街 → 德教會 → 機場 → 香港
沙巴休閒渡假5天遊嚟到最後一日，今天只有一個行程，1300 check out 後到機場前一遊德教會，有一整個早上可以自由遊玩。今天不在酒店吃早餐，0800起身，0900到櫃枱幫忙叫的士去加雅街，落車行去怡豐食喇沙麵，果然人氣No.1 要排隊，不過好快就有輪到，餐廳超有效率，差不多可以進場之時，有職員俾餐牌，揀好食物落單；進場坐低已經有嘢食到；食之際老闆會埋嚟收錢，一氣呵成，如獨孤九劍般行雲流水。我們點了兩碗喇沙麵，一碗牛雜，兩杯拉茶，埋單盛惠37元，抵食！
食完行假日市場，即是昨晚的夜市街道，日頭行別有一番光景，行到郵政局後轉出海傍經賓賓市場，酒吧街，過天橋回酒店。
到酒店之時已經全身濕透，基本上到沙巴之後，我每日都要換多件T恤才可以，實在臭到自己都怕左自己。未回房先在樓下Cafe嘆杯凍啡回回氣，提提神！飲完使剩兩馬幣，隨貼士分俾司機與阿廖馬幣各一元。
1300 check out後，到德教會行15分鐘，1400左右到機場，寄行李後，到地下的KFC食炸雞，阿廖話馬來亞嘅雞係用新鮮雞，而且要誦過經才可屠宰，香港團友認為比香港KFC炸雞好吃。試過又真係好味過香港，雞肉滑滑的。
航班1615 delay 到1655，到港1945。
