2021.2.27 (Sat)
樂翠台
新年過後,終於要決定搬屋日子,3.20呢個一定係吉日嘅日子,就揀定呢一日搬家可了。
來到今天,裝修工程不經不覺已經進行到第84日,現場情況一樣係好混亂,問陳師傅3.20真的可以搞得掂? 99%就係佢俾我嘅答案。既然佢咁有把握,我們唯有盡量配合做好自己本分就是了。
今日到新屋等德國寶收廚房用品,上午到場配合小明師傅與十爺師傅安裝浴室洗手盆櫃及鏡箱。下午約了地產我走先,小英子收到貨後,見時間尚早,亦都撇去旺角買窗台石及雲石吸咀,門抽把手及門阻。
2021.2.27 (Sat)
樂翠台
新年過後,終於要決定搬屋日子,3.20呢個一定係吉日嘅日子,就揀定呢一日搬家可了。
來到今天,裝修工程不經不覺已經進行到第84日,現場情況一樣係好混亂,問陳師傅3.20真的可以搞得掂? 99%就係佢俾我嘅答案。既然佢咁有把握,我們唯有盡量配合做好自己本分就是了。
今日到新屋等德國寶收廚房用品,上午到場配合小明師傅與十爺師傅安裝浴室洗手盆櫃及鏡箱。下午約了地產我走先,小英子收到貨後,見時間尚早,亦都撇去旺角買窗台石及雲石吸咀,門抽把手及門阻。
2021.2.14 (Sun)
樂翠台
裝修期去到第71日,比起之前好似耐左d。上星期二廚櫃公司終於有師傅到新居安裝廚櫃,星期三大雨後,廚房及大廳更發現有漏水情況,症狀有影低send給我們看。雖然水漬理應乾晒,但點都要去望望整體情況。
我家廚房太細,廚櫃又包得好靚,睇得唔係太清楚。
2021.2.14 (Sun)
石澳道→港道徑第七段大潭東引水道→無字石碑→石碑山→石澳道
今天下午要到新居睇睇廚櫃裝嵌後的狀況,上午自不然要到附近的郊野行行舒筋活絡一番。
在附近餐廳食完早餐,搭1025 的 118號巴士到亞公岩站轉車,轉9號巴士在石澳道蓮鶴仙觀站下車。等9號巴士時才知道今天係有好多人到石澳及赤柱的,第一部經過的9號仔滿座飛站,幸好第二部9號仔往鶴咀總站的上得到,上層仲有位坐添,時間係1105。
落車後往回走到落爛泥灣的石級開始今日行程,一路行,一路有少許肚痛,忘記吃正露丸,唯有慢慢行靜其變。落石級,肚又痛,腳有痛,越行越慢,我覺得近期的消炎止痛藥好似冇以前咁使得,食左都仲係痛。落到大潭東引水道,所有痛症都稍為有所舒緩。上山一段雖然稍為辛苦,但吐出第一啖濁氣之後條氣便順好多了。玩完無字石碑,經過石碑山都唔知,因為冇標高柱,往下走便知道了。出到石澳澳道行程尚未完結,因為尚有一大段車路要行才到達巴士站。哥連臣角巴士站又係一大堆遊人在等車,見附近有個石澳郊野公園指示牌,石級不停有遊人上上落落,唔知個郊野公園咩料呢?認真大鄉里。第一部9號仔又試滿客飛站,明明行嚟這時見d巴士唔滿架,為何等之時又滿座嘅呢!幸好第二部9號仔司機大哥肯停車讓站立的乘客盡量向入行,我們這班候車客才能上到車。在山翠宛下車往新居進發。
2021.2.5 (Fri)
樂翠台
行完山,搭792M往調景嶺站,在地鐵站分道揚鑣。今晚有飯局在MM家,小英子往新居等日本牆紙,我則返家休息一會衝個涼,1900在MM家會合。