2021.2.14 (Sun)
石澳道→港道徑第七段大潭東引水道→無字石碑→石碑山→石澳道
今天下午要到新居睇睇廚櫃裝嵌後的狀況,上午自不然要到附近的郊野行行舒筋活絡一番。
在附近餐廳食完早餐,搭1025 的 118號巴士到亞公岩站轉車,轉9號巴士在石澳道蓮鶴仙觀站下車。等9號巴士時才知道今天係有好多人到石澳及赤柱的,第一部經過的9號仔滿座飛站,幸好第二部9號仔往鶴咀總站的上得到,上層仲有位坐添,時間係1105。
落車後往回走到落爛泥灣的石級開始今日行程,一路行,一路有少許肚痛,忘記吃正露丸,唯有慢慢行靜其變。落石級,肚又痛,腳有痛,越行越慢,我覺得近期的消炎止痛藥好似冇以前咁使得,食左都仲係痛。落到大潭東引水道,所有痛症都稍為有所舒緩。上山一段雖然稍為辛苦,但吐出第一啖濁氣之後條氣便順好多了。玩完無字石碑,經過石碑山都唔知,因為冇標高柱,往下走便知道了。出到石澳澳道行程尚未完結,因為尚有一大段車路要行才到達巴士站。哥連臣角巴士站又係一大堆遊人在等車,見附近有個石澳郊野公園指示牌,石級不停有遊人上上落落,唔知個郊野公園咩料呢?認真大鄉里。第一部9號仔又試滿客飛站,明明行嚟這時見d巴士唔滿架,為何等之時又滿座嘅呢!幸好第二部9號仔司機大哥肯停車讓站立的乘客盡量向入行,我們這班候車客才能上到車。在山翠宛下車往新居進發。
起步
沿石級下行
紅山半島海傍亦都有一枝無字石碑,就在海角處
落到底大潭東引水道
轉右行
一直行
爛泥灣
水源充沛
引水道的水源頭在此
越美麗的東西越不可碰,好鮮豔
好好天
沿途都有見到伶伶仃仃一個野果
過橋進入上山路段
有絲帶引路
路徑算明顯
再遙望紅山半島無字石碑
左膝蓋疼痛冇力,又冇氣,開始十步一停
抖氣之時,遇見三位山友剛由紅山半島的無字石碑行過來,目標當然係上方的另一個無字石碑
小英子等我時的傑作
引水道時見到的藍紫色的蝴蝶更漂亮,可惜飛得好快又唔肯停低
上到頂,終於見到個尖錐
呢條柱,如無意外,應該是作為航海調校羅盤用
呢個就係與紅山半島海角處一模一樣的八角錐形無字石碑
好可惜在此只能望到大潭水壩,不能見到紅山半島的另一無字石碑,與之遙相呼應
石碑山山頂,高海拔164米
探軍營
香港實在有好多破舊軍營
行完
出石澳道
沒有留言:
發佈留言