2021.4.24 (Sat)
樂翠台
天氣又轉涼,有雨大風。今天又搞聚會,明天群組成員全員到齊,認真俾面。加埋我和小英子兩個主人,總數15人,要向樓上師弟借多四張櫈撐場。派對1800開始,小英子先到地鐵站阿參買外賣,15人我係冇本事一個人搞得掂D食物。
大夥兒陸續到場,TJ在地鐵站偶遇小英子取外賣,率先到場拉開序幕,跟手是MM,FF,TK,之後PA帶來乳豬一隻,真的是出乎意料之外,CW及BK7點左右到來,正好幫手剪豬。 14人,還剩EC未到,不過佢有上半場,話左遲到。一路食一路等,2030左右EC到,人齊可以食剁椒魚頭,MM知道小英子喜歡食魚頭,專誠到我家煮俾大家食。
屋企雖然大了,15人始終都係逼,冇乜位可以郁動。 10時PA,CW,TK要走先,少了四個人,空間大了,感覺上舒服多了,到我開始大吃大喝。玩到零時散場,開心!