沙巴休閒渡假5天遊 day 3 大眾級激流旅程

2023.8.25 (Fri)

Kiulu River → Kama'a

行程進行到第3日，自由活動，昨晚已選定了上午Kiulu River 2級激流，包專車接送，激流導師，救生衣，安全帽及自助午餐，6hrs；下午Kama'a Spa，包接送。

早上食過早餐之後0830 lobby 集合後出發往Kiulu River，我們呢團總數9人，領隊Olivia，導遊阿廖；團友7人，我倆，3人家庭和張生夫婦。車程大約1小時左右到達Kiulu River 終點站，在此換好泳裝，接受簡單操槳技巧，坐姿等等便展開激流旅程。兩隻艇，每隻艇一個教練，四個扒手，Olivia都要落船湊人數。

航道就真係唔係好夠激，教練好識做，沿途會互相向對方艘艇潑水，製造氣氛，提高全體興緻；週不時留意沿岸樹上生果是否可以採摘，為我們提供野山竹作食糧；可以離艇落河上漂浮等等，非常稱職。全程大約個半小時，非常寫意，大部分時間都不用划艇，教練叫划才划，又或者作狀划。 Rico 介紹的3、4級激流，阿廖都有介紹，要凌晨4時出發，搭火車到另一個地方玩，佢玩過過百次都話好刺激，咁多年只有上年死過一個人，係因為脫去救生衣大意出事；絕大部分都只是損手爛腳而已，而身上瘀青就一定有。

回程中，一家三口離隊參加螢火蟲觀賞。小小塞車，1425回到酒店，休息一會便會合張生夫婦及趙生夫婦一起坐車到Kama'a Spa。我的技師超好力，膊頭的千年枕都俾佢按鬆小小，厲害！按摩完落樓下阿廖介紹的知味館食海鮮，鄰近的大茄來被阿廖大加撻伐，話價錢係平，不過唔老實。信佢食知味。又真係好好食，濕奶油蝦好吃，蛋炒飯真係只用蛋炒，蔥花都不用。食完whatsapp 老闆娘派手下落樓幫我們call 車回酒店，順利完成第三日行程。