2023.8.24 (Thur)
Manukan Island → 朱古力專門店 → 清真水上回教寺 → 南洋土產專門店 → 發記魚雜米粉
導遊阿廖的兌換價是1000港元兌550馬幣。
今早0700到一樓Jojo餐廳食早餐，Main Course 可以點一款菜式，其餘的麵包、生果、咖啡、橙汁等屬自助形式，早食可以早凖備，通常去旅行頭一兩天都會冇得疴，今期肚子卻非常暢順。
0845 大堂集合出發到今日第一個景點Manukan Island，天色明媚，陽光普照，海灘好去處。到埗後要救身衣隨身攜帶，因為法例規定只要上船出海就要穿救生衣，而所有活動都係要出海嘅，唔玩活動，回程上船都要穿上救生衣。行段路到大本營放低行裝，由阿廖及Olivia 負責看管，我們一行十二人就各自各精彩，揀選島上康樂大使介紹的各項水上活動。只有兩人冇參加活動，自行到各處浮潛，浮潛係不用Money 嘅。其餘十人都不約而同地揀選了海底漫步，可能大家都貪佢夠安全，毋須體力罷。
一行人又再次出發往碼頭前進，與一眾遊客搭船出海登上另一隻停在海上的船上，船上有氧氣樽（供潛水頭罩用），潛水頭罩，防滑鞋等。換過防滑鞋，我們便依序逐一落水。在工作人員協助之下，為我們帶上潛水頭罩，有潛水員抱住我們潛落水底，水深大約5米左右，海底中已經有很多潛水員在，安全有保證。憑藉潛水員領引我們到水底的預設欄杆處，我們扶著欄桿前進，享受住海底自由呼吸的樂趣的同時，身旁超大量珊瑚魚游來游去，近距離接觸咁多珊瑚魚，都好Amazing。玩完回島大概1130左右，英英意猶未盡，繼續浮潛，我就因為水裏太多石放棄，選擇上岸攤抖。午餐為自助形式，好快清空。 1400離開乘船返回市區。
第二站：朱古力專門店，試食完買了兩三款朱古力；第三站：車上看沙巴基金大廈及清真水上回教寺；第四站：南洋土產專賣店，買了包海燕窩，一包拉茶，兩枝胡椒粉；第五站：發記魚雜米粉，魚雜米粉出奇地好吃，魚頭番茄湯底又鮮又濃，桔子冰，怕酸的我也能將其徹底消滅。
回酒店的途中，在車上團友都報了明後兩天自由活動的選項，到酒店後紛紛相金先惠，俾錢阿廖。問酒店要紅酒杯不得要領，給了兩隻水杯。
沒有留言:
發佈留言