海德園抽籤

2023.2.3 (Tue)

海德園鰂魚涌售樓處

今早約了地產K 哥一起到鰂魚涌海德園賣樓處買樓。 11點開始，我們最後到場，但就冇所謂嘅，因為是抽籤制。坐低辦好手續後取籌號，我們是15號，一個好冧把，我年輕時波衫的其中一個常用號碼。跟住抽籤開始，我們抽到第四簽，好位置，也都係好冧把，4號是我第一件波衫的號碼，以全部19 條籌計，第四位算是樂透選區了。英英心儀的只有兩個單位，俾人選走的話就會作罷，現在的排位機會是不錯的。

頭簽揀樓，一揀便揀了我們心儀的其中一個單位，果然有眼光，但個心就戚起來，只能望抽到二三籤的買家不要垂青我們的心儀對象。聽著跟隨下來的兩個廣播實在令人提心吊膽，緊張非常。當第三簽選擇出來後，哈哈哈，輪到我們了，有得揀到了！

今日買家不算太多，很快便辦好臨約手續，新樓簽臨約後5天內要辦好正式合約，時間上要立刻找律師樓，師兄TC 已移民英國，是時候找一間新的律師樓幫手做嘢，經考慮後用左地產K 哥介紹的律師樓，他有個成功買到海德園的客也是用他介紹的這間律師樓，有經驗比較好辦事。如今萬事俱備就差最後一步簽正式買賣合約了。

抽籤開始