2021.8.12-14 (Thur - Sat)
2021.8.12 (Thur)
水口
一年一度英仙座流星雨在今年8月12日到peak，我倆有幸得L夫婦邀請到水口一起觀星，兩個月前答應之後，L立即book定水口度假屋，避免冇地方住。
星期四3pm相約在東涌地鐵站集合，之後一起到超市買今晚燒烤食物，查過度假屋資料，看相片知道天台有爐燒烤，地方濶落，唔燒點對得住租屋費用。買完搭的士入水口。度假屋非常之近馬路，落車行兩步已經到達。我們住二樓連天台，屋主住一樓，所以有乜唔妥都可以立即通知屋主加以協助。
到埗放低行李之後，立即去挖蜆，L兩夫婦都好想挖蜆也，我和小英子就麻麻地，我膝頭唔好，小櫈仔唔啱我坐，挖挖下隨時坐落啲泥度，唔好攪，散下步，見識一下呢個香港天空之鏡仲好。話時話，我記憶所及，到水口都好多次，就好似未真係行過落泥灘，嚟遠望望就有。今次就唔同，有L夫婦挖蜆，我哋又住在水口，可以慢慢玩完，行完，再回度假屋洗腳，他他條，不用趕。呢個泥灘真係好靚，唔挖蜆都好好行，講真要我坐到咁低再彎腰挖，太高難度喇，在士多租兩套挖蜆工具是對的。
今晚天公造美，燒烤和觀星之時都冇落雨。燒烤食物預算得剛剛好，人少就係有呢個好處。流星雨就大家各自有睇到流星，係L太太見唔到，可惜；而在大約凌晨430左右在英仙座的位置，一粒大型流星劃過，認為大是因為條尾大約停左兩秒有多，想唔話係流星都唔得，超震憾，我和小英子都忍不住嘩嘩聲！ L立即落樓揾太太，不過L太太上到天台之後，再沒有流星踪影。他們先落樓睡，我和小英子過多15分鐘左右都頂唔順落樓睡覺。非常之滿意的第一天。
行去泥灘
用嚟練千蛛萬毒手
牛牛可以在泥沼中來去自如
好有非洲feel下
每次都係行到呢處望下便走
今日大不同，要殺入水口泥灘
泥灘好大好壯觀好靚
好美
今日潮退得好勁
潮聲真的可以洗滌心靈
1830，係時間打道回府
負責起爐燒烤，冇手影相
近日連場大雨，幸好今日好天冇落雨
星圖已經俾番曬時空，要等小英子劃好睇佢個Blog認星
(星圖請按此處)
金牛
金牛附近就有七姊妹
沒有留言:
發佈留言