少年夢: 日本北陸之旅 day 1 金澤

2025年10月16日星期四

日本北陸之旅 day 1 金澤

2025.10.16 (Thur)

金澤

8時正鬧鐘鬧起床，正式展開10天日本北陸之旅。約了的士1030，司機早到了15分鐘，11時正到達機場。英英已經搞好網上Check in 雖然分開坐但就坐得好近，20C 與 19D 都係通道位，可以伸伸腳。

寄完行李食早餐，今次不幫襯Canteen，改到地下金色不如歸食拉麵，我吃白豚骨拉麵套餐；英英食貝汁醬油拉麵套餐。出乎意料地好吃，很少在香港食到好吃的拉麵，通常是又貴又難吃居多。

閘口217 凖時登機，凖時起飛，真正搭正1400 衝上雲霄，日本快香港1小時，1834到達小松機場，真正飛行時間3小時34分鐘。

今次沒有在機場取車，明天才正式在金澤取車自駕上路。小松機場氣溫不太冷，短袖已可，但下著毛毛細雨。到巴士站買票搭機場巴士到金澤駅西口總站，一班車載滿全機要到金澤的旅客，滿客開出，我和英英都要坐在臨時拉開的通道椅子位上。 45 分鐘車程，1300日圓。

下車穿過金澤駅到東翼出口轉左直行便到達今晚的住宿點dormyinn，一間我非常喜歡的商務旅店，好可惜地點通常在車站附近，車位不多是大問題，自駕會比較麻煩。到達飯店前在轉角商店買了枝wine，但就沒有買到食物。到飯店辦好手續已經2045，剛好錯過了Welcome beer 的時間，但就仍然有2130－2300 的夜鳴そば可以解決晚餐問題。

吃完夜鳴そば自不然要嘆dormyinn 獨有頂樓露天風呂，風呂位居14樓，大名加賀の湧泉，桑拿室好死熱，初來埗到，玩了7分鐘便作罷，主力放在露天溫泉上，戶外曬命位算大，可以放5張椅子加腳踏。浸完回房間寫日記加作戰會議。