2016.4.14 (Thursday)
葵青劇院演藝廳
閑時坐下, 小英子問: 睇話劇如何? 好簡單, 我話: 好呀, 劇種要唱歌跳舞, 坐位有夠寬闊就更加Perfect啦. 如是者, 她就介紹這部夏風夜涼的話劇. 她知我鍾意睇又南及梁祖堯, 基本上是投我所好, 自不然順理成章地由她一手包辦買票揀場. 好厲害, 我們很早已經訂票仍然買不到心儀的時間位置, 估唔到shine +風車草劇團+白只, 有如斯的叫座力. 可能我真的是一個很out 的人吧.
開場當晚, 我們大約7:15分已經到劇院, 見到陸續到場的觀眾大部分是妙齡女子, 望望海報中的五位花樣男子, 難怪難怪. 沒有女角介紹, 沒有劇情介紹.
幕起:
梁祖堯飾的何勇在台上清晰的獨白掀起了序幕.
舞台:
五人如何相識, 組成果欄男孩 FMB, 參加了第一個音樂比賽之後, 出發為理想定下目標. 第一次講出話劇的中心思想:
"是結束的時候了" " 傻的嗎! 現在才是開始呢"
我不是看日劇長大的, 我是長大後看日劇的, 當台上響起當年風靡香港的日劇如同一屋簷下, 長假, 戀愛世紀等, 一幕幕觸動人心的片段在腦中回片, 會心微笑是當然的了!
中場休息之前的燕尾蝶是我認識Shine 的歌曲, 好得, 今晚聽都好得.
世代更替, 只有回望, 繼續前行. 有點無奈, 唏噓! 但年輕就會更顯積極!!!
葵青劇院坐得好舒服, 夠晒闊落, 但就凍左d, 好彩有中場休息, 可以小解放.
十分鐘好快過, 開場繼續:
劇情梗要有起有落至好睇, 呢期講五人各自為生活奔波, 而又死守不放五人一同建立的夢想之間的角力.
女校男生歌曲響起之時, 我又想起當年每日坐車入屯門睇樓之時, Road show 洗腦式轟炸乘客的片段. 我就是那時認識Twins 的. 立下眼真的好似孖生, 真的佩服那些形象設計者.
"三年過得真快, 其間, 我們聚在一起好似甚麼都沒有做過, 一起就是為了一起, 不過又真的好似經歷了很多".
三年間的奮鬥, 失意, 跌倒, 起身........ 經歷過的高低潮, 只要在一起, 做同一個夢, 其中的力量就會扶持住大家不跌倒, 繼續前行. 但五人同行, 實在太難行了, 如何能步伐一致, 不出錯呢?!
解散後的 FMB, 換成了開小食店的Sam, 準備結婚, 大展拳腳; 做棟篤笑的何勇, 剛死了愛恨糾纏的老豆; 當設計的白領老莫, 性取向曝光; 成為偶像歌手的Alex, 被動又隨意; 還有就是出極都出唔到歌的Patrick, 又要養妻活兒, 轉行又不忿, 給自己的情書唱出了自己的迷茫與自勉.
收結:
五人重回相識時的草地, 從記憶中將 FMB 當年沒有錄下的第一次參賽便奪獎的歌曲, 再一次形象化給現場觀眾: "後街男孩 BSB 的 I want it that Way"
完美的演繹, 掀起全場的高潮, 非常精彩的演出, 難怪可以奪獎, 給予五人永不磨滅夢想.
沒有留言:
發佈留言