少年夢: 九州之旅 day 3 長崎

2020.1.20 (Mon)
長崎
雲轉晴

8至12度的氣溫可以說是冷，但其實都算舒適的，因為風不算太大，而我們整日都是在長崎市內游玩，郊外欠奉，只要走進室內地方就有暖氣，久之更會全身發熱出汗。

一早起身浸過靚溫泉先，首先就去找昨晚沒有玩到的電流池，一試上癮，正到無倫！比起針灸電療更勝數籌，可惜唔係度度有得玩。介紹話每次唔可以玩超過3分鐘，每天只可以玩3次。我梗係冇理喇，爭取時間，電完走出去露天風呂抖涼個身再電過。今次學溫泉達人浸完溫泉後飲鮮奶（140日圓），為浸浴劃上完美句號。

930前Check out 達成，隨即駕車往今晚住宿的旅館Garden Terrace Hotel。電影遺願清單中吉永小百合與天海祐希也曾入住的酒店。 Check in 後，放低部車，搭Hotel Shuttle 到長崎駅，在觀光案內所買張一日乘車券，以電車暢遊長崎市內各大名勝。

大浦天主堂，1000日圓入場費，初時覺得貴，睇完兩個展館又覺得好值得下，無他，有小英子在，睇博物館係幾舒服嘅，她會詳細講解館內所展示的一切說明也。睇到12點半要離開趕往百年食堂介紹的123亭鄉土料理思案橋店。

123亭，位於市電思案橋站的思案橋橫丁內。我們到達思案橋後找到鋪子，雖然覺得唔多似電視上出現過的樣子，時間關係都要照食，冇時間再揾也。果然店內與電視上出現的裝潢架構有顯著的不同，最明顯的是沒有方向舵，而且面積也比較細。不過話時話，兩大名物角煮與牛丸分別以定食形式出售，我們當然各點一款，另加300元將白飯轉膾粥，一於食齊阿良先生在百年食堂長崎篇中在123亭食過的食物，差別就是在煮的並不是電視上的123亭老闆。食物水凖本人覺得十分之出色。食完出門口再睇清楚有冇水分。好清楚寫住創業明治29年，長崎鄉土料理123亭。

眼鏡橋，一到條橋，中學生排住隊影橋，又行落去條川度玩，至於長崎燈會的燈籠掛到滿佈橋上，唔覺得好靚囉！我們不待遊人散去，一起在此大玩特玩，走落去找心形石，低炒眼鏡橋。在眼鏡橋旁又見到另一間123亭，一般的明治29年開業，我認為正是電視播映的那一間，錯有錯著，呢間只開夜晚，沒有午市。我們晚上要食Wine Dinner ，肯定到不了，反而剛才那間可以食午餐，錯都唔算太離譜。個人認為剛才食那間123亭可能是分店吧！

平和公園，在平和公園站下車，先到平和公園參觀。公園以雕像為主，有各國送給長崎市的藝術作品，以反戰，和平為主題。公園重點當然是落在平和祈念像上，雕像好宏偉，有點似鎌倉大佛的氛圍。

原爆落下中心地，一處位於平和公園旁的公園內，都是以紀念長崎原爆為主。

原爆資料館，入場費只是200日圓，超抵。認真睇係可以睇好耐，但要趕時間回長崎駅搭Hotel Shuttle，要在1730前回到駅前候車處。 1710回到駅前，未夠鐘，先到商店街快飲杯啡，店子門面好靚，內裏都好有特色，兼且可以讓顧客自己揀杯，靚還靚，時間係大問題，要趕車，唯有提醒店主趕時間，認真唔好意思，令到店主要趕快做給我們喝，有違慢活咖啡的因子。

去到駅前侯車處，車踪全無，一看今朝叔叔給的時間表，1730是酒店開出，駅前開出是1800。回到酒店看到房間，真的有點驚喜，好大，好靚，可以出露台欣賞長崎夜景呢！

晚餐是Wine dinner 形式，話就話飲九州Wine，其實係意大利紅，加州白，法國檳。

酒店沒有大浴場，今晚唯有在浴缸浸。

朝早天色麻麻