日南海岸→日向岬→大分
雨
今日整天下著綿綿大雨，車輛水撥在眼前不停左右左右的撥動，沿途不停進出隧道，又黑又光，令到雙眼非常之疲倦，再加上高速公路行車，大雨下車速又快，全神貫注之下，去到大分dormy inn已經十分之疲累。
ANA的海景房就出晒名可以睇到日出，但比對天氣預測與昨晚天氣，實在很難相信今早可以望到個太陽。早起酒店大堂食Buffet早餐，又真係幾好食噃，由其是在日本食嘅麵包極之好吃，又有特色。食完早餐便冒著風雨行去距離酒店1.3公里的青島神社，沿途見到海灘上有很多熱愛滑浪者趁住如此好天氣，抱住滑板往海中衝去，我們酒店亦有住客抱住滑板入住。
青島神社位於日向灘突出地形上的一座小島，主要求姻緣，安產和交通安全。到此主要是近距離觀看鬼之洗濯板，神社是其次。可惜大雨之下，天氣又凍，景色雖美，戶外活動難作持久戰，玩了一陣便要撤退回酒店退房。
今日行程唔多，日向岬作中休站，到達大分前先到海豚水族館。第一站馬背日向岬，在馬背茶屋停車場停低部車再沿遊步道行一圈。在馬背展望台上望馬背，唔覺邊忽似馬背，想像力問題吧，但配合今天天陰陰，雨朦朦的景象，淒清氣色是有的。馬背展望台向前行10米左右便是日向岬展望台，景觀較為遼闊，氣勢不凡。經燈塔回停車場趕去大分睇海豚，這個臨時景點是昨晚找到的，貪其地理位置近大分dormy inn 白糹之湯。
不幸地，去到方知海豚海洋館正值休館期，1.14休至2.7，海豚館可能是中國人開的吧，有春節假期。冇海豚睇就早點到酒店。
今晚住的dormy inn 價錢高達25600 日圓，是住過的dormy inn 最貴的一次，泊車都要盛惠1100大元。但借隻酒杯都話唔借，驚打爛！
今晚晚餐原本就諗住簡單在酒店房內吃罐頭馬肉，味漬豆腐便算，結果都係想食碗拉麵頂頂肚，時間又尚早，可以逛一陣商店街。在酒店大堂睇一睇宣傳單張附近地圖，發覺這個地區肯定係紅燈區，超多夜店陪酒女郎介紹。小英子當然不受迷惑，專心揀選拉麵店，結果係暖暮中選，貪佢曾在2002年的九州拉麵票選中獲得第一名，夠名氣也。
我們邊行邊找暖暮位置，見到烏燈黑火的暖暮，以為休息，原來店開1800，未夠時間而已，找得咁辛苦，幸好不是休息。在附近行一陣，見有酒舖，鑽進內去看看，好多威士忌，紅白酒就唔係咁多，結果揀了枝波爾多出品，平平地試下。
暖暮的拉麵水準唔覺太驚喜，麵條偏幼，而我喜歡食較硬身的粗麵條，見鄰座的熟客大叔加多個炒飯，食得極之香甜。臨走時，剛巧有一大票港人殺到。暖暮可能真係好出名，不是罩的！食完天色黑齊回酒店。
我最喜歡住dormy inn 的原因其中之一就是這牌頭的的酒店浴場全建在頂樓，露天溫泉真的超正。我每次都會玩得極之快樂，一個鐘起跳就屬必然的。今晚也不例外，足足玩左三次Sauna，第一次10分鐘，第二次9分鐘，第三次8分鐘。每焗完一次都要浸過冷水池3分鐘，過過冷河，再到露天溫泉浸浸，寞想一番，完全進入休息狀態！真係只有到日本才可以這樣玩。
晚餐於酒店房內，食自備的美酒佳餚，全購自纖月酒造，無言燒酎，馬肉罐頭，味漬豆腐，燒酎兌酒店的免費橙汁及冰（每位只限取一次） ，取橙汁之時，有兩包小花生附送。
酒店早餐好得
地方寬敞唔多人
大風大雨，有傘都唔遮到幾多雨
過橋便是青島神社
左手邊食正風
今日大風大浪，滑浪好手洶群而出
水浸鬼之洗濯板
近青島神社的鬼之洗濯板冇咁大浪，可以站上洗衫板上
青島神社個碑在沙灘之上
條街有好多許願法寶賣
神社主打姻緣，心形工具必備
中休站馬背日向岬
大雨都有好處，人流冇咁多
先馬背後燈塔
清幽
馬背展望台
馬背？
日向岬展望台望日向岬
回程訪燈塔
好有世事如棋feel
細島燈塔有詳細介紹
主要都係負責監視地震出現
昨晚臨時加插的海豚水族館今天正值休館期，失策
我的至愛酒店dormy inn
加錢住大小小的房
這對背包今天整日都是包到實
酒店近車站，極之熱鬧
通往暖暮拉麵店之商店街
商店街文有摆设化藝術攤位，有點兒香港feel
在dormy inn大堂的遊玩地圖上看到這間被受推薦拉麵店
半熟蛋拉麵
辣味拉麵
車站外形幾靚，可惜有雨，見遮多過見景
今晚酒店房内大餐：馬肉罐頭，味漬豆腐，小包花生，無言燒酎
沒有留言:
發佈留言