燒烤大餐

 2020.5.29 (Fri)

蜜蜜燒

近日天氣持續不穩定，間中有大雨。

近期我被我家附近新開了一段時間的燒烤店深深地吸引著，每個星期到街市買菜我都會經過呢間舖頭，店子只有晚市，下午唔開，被其吸引的是店內的爐具，我大鄉里，是未見過的，好想好想試一次呢間蜜蜜燒。原本上星期食，可惜即場去食係冇位嘅，因為十分之旺場，唔book冇得食。由此可見香港人係幾咁喜愛吃肉的。冇位唯有改今天食。 1900開始任飲任食兩個半鐘，每位$238。

到場後攞位落單，由於是第一次玩，職員都會介紹點樣玩法。落單非常之科技化，要上佢個apps，或者facebook落單，我就完全唔曉，要靠靚女女侍幫手至搞得掂。開左個版面後便容易得多，可以食完自己落單。

多肉少菜，食了個半鐘已經好飽，靚女女侍會經常到來推荐一些新菜式，聽見我們話飽，狀甚驚訝。坐多陣，有空望望附近食客，大多是年輕一輩，難怪有Quota可以大吃大喝。勉力再食多個round便埋單撤退。任飲任食一向不是我杯茶，今次主要是想試試新東西，理論上是不會再光顧的了，雖然燒烤可以好舒適。