2020.12.5 (Sat)
紅綠燈
上午小英子去樂翠臺等石油氣師拆石油氣,我就等佢電話,搞掂後與她在葵芳會合睇搖搖椅,再去荔枝角睇燈飾。大約12點半在葵芳地鐵站等齊,先去商場的芽莊醫肚,個蓮藕蝦沙律超級好吃,未食過咁小長條形蓮藕。食完去睇搖搖椅,位於一座工業大廈,好多嘢睇,但主力都係睇搖搖椅,好可惜唔多啱心水。玩完搭地鐵到位於荔枝角新昌工業大廈3樓的紅綠燈睇燈飾。今次為我們介紹燈飾的小姐非常之詳盡,令我對燈有多些了解。
一入門,先揀客廳燈,我自己本身沒有預備,小英子見議睇睇吊燈扇,我都正有此意。睇左一輪,剩下三款揀一款。
價錢中等,6段風力,摩打靚,可以慢速運行,燈光屬中等,扇筒與扇頁皆可選色
價錢三款中最平,有黑色,風力最細,但就夠光
價錢三款中最貴,收合式扇葉,清理較麻煩,可反向吹風,用作對流功用,風力強,三個燈膽,光度必夠
飯廳燈,心目中想要多些燈膽,咁就自然會光一些,好可惜唔係有太多選擇,不過最後想到可以用一個燈盤吊三或四個燈膽
我幾喜歡呢款玻璃罩,一條吊三個燈膽
壁燈,預計會揀兩枝,一枝在主人房作床頭燈,一枝在客廳梳化旁
預計玄關燈
房間吸頂燈
特色星座燈,要價10000元左右,匈牙利訂造,真係好靚,好有特色
沒有留言:
發佈留言