柴灣西灣山

2021年行山第一擊，柴灣西灣山。多時沒有行山了，主因係左膝右腳腕舊患持續難康復，不過唔活動身體又愈發唔掂，痛定思痛，揀條冇咁長程的路線，活活筋絡也好，雖則左膝近期痛加冇力。陳師傅新居磚已經鋪好，話今日可以到場睇睇鋪成如何。既然如此，那就決定中午行新居附近的西灣山，之後再到新居看磚鋪得如何。

小英約左Miss Ko今早10點到北角的診所睇超聲波報告，早餐就不在家食了，見完醫生在附近的餐廳吃。驗身報告OK，放心食完早餐出發上山。

搭巴士8X在大潭道落車，從柴灣北配水庫起步，沿山徑上西灣山。太耐冇行山，上山有大問題，由其是隻左膝冇力支撐住肥重嘅身軀，再加上大意冇帶行山杖，唯有一步一腳印，左扶右扯地上山。好不容易終於去到龍石位可以抖一抖再行，在此休息加飲啖水，影吓相。起步再上小小便是西灣山標高柱，再hea多陣，再上便是西灣山山頂軍事堡壘。跨過石壆進入昔日軍事要地，沿藍色扶手長梯落到下方的鯉魚門公園西灣砲台。砲台乾淨企理，今日遊人又少，在此可以細意欣賞昔日軍營及砲台遺跡。沿石屎路下山，行到鯉魚門公園大閘前見落閘上鎖，沒路前行，幸好見到先前在山上的行山姐姐也正在下山，回頭一望，不見其踪影，肯定有鬼。回頭走一陣，在禁區牌前見有路落山，順利落到柴灣北二號抽水站，前行不遠落到底轉左便是柴灣道了。今日的行山活動順利完成。

今日天色好，上落山人又少，空空的鯉魚門公園可以讓我倆慢慢細意品味，遊玩，在此疫情中實在十分之難得，心情難免抒暢愉快。

稍事休息，便向新居進發。

柴灣北配水庫遊樂場

推門而進

新居外觀

沿鐵絲網上行

拉門而出

指示牌右側泥路上山

一條路直上

機槍堡

龍馬石小休

遥望藍湾半島

風吹穗動

西灣山標高柱

春天花會開

西灣山山頂軍事堡壘

軍事重地不得內進

下方屋苑杏花邨，對岸左邊魔鬼山

大個坑唔知何用

聖誕樹

落樓梯参觀砲台

各地指南

除可参觀砲台，景色、空間都係第一等

柴灣墳場真係佔地宏大

砲台遺蹎

柏架山

很多營房

當係彈孔

鯉魚門公園

小英子傑作，咆哮獅子

下山撤走

下山沿途仍可見到不少營房、機槍堡

附近大維修，震出太陽裂痕

前方重門深鎖路不通行

退後找出路

拾級而下

出路

落到底，見到柴灣道，完成今日行程