2023.1.12 (Thur)
幸運閣
今晚掹車邊到馬會舊會所的幸運閣dinner,多謝馬生邀請,自己不是馬會會員,將來亦不會是,自己係冇乜機會去得到嘅。緣起馬生問起黑龍是否十四代,其實我只飲過一次十四代,仲係最初階級數,佢就當左我清酒專家,非常之慚愧,雖然我一再否定,但依然非常尊重我,作出提問,我驚答錯,再查一查,十四代只有黑繩,黑龍屬另外一個清酒品牌,答完跟手再 send 今晚菜單給我一看,問值得否,有四十年舊陳皮食就點都值嘅,再問我有冇興趣,我就梗有興趣,而小英子都有興趣,就嗱嗱聲請馬生 book 位了,順利成就今晚之約。
幸運閣的食物真係好好吃,名氣大得有道理,略嫌每道菜的陳皮都是磨茸點綴,較為單調。清酒有得比較,都飲得好專心及開心。今晚有專人影相,但就有張 form 問各貴客是否願意被影?馬生話因為相片有可能會被擺放在會所之內公開,有些名人不喜歡,所以餐廳便有此安排。
貢獻了馬會這麼多年,終於都有機會用一下馬會旗下的會所餐廳,真係食都食得開心D。
獺祭 純米大吟釀 氣泡濁酒45
陳皮龍皇鑲白玉/陳皮百花釀金枝
(選用十年新會陳皮)
磯自慢 常田 特A山田錦 純米大吟釀
陳皮燴原條遼參伴鵝掌
(選用十五年新會陳皮)
黑龍 純米大吟釀
陳皮油泡櫻桃扣/陳皮香酥田雞腿
(選用二十年新會陳皮)
早瀨浦 特別純米原酒
陳皮酒香牛尾蝦子麵
(選用三十年新會陳皮)
常山純米大吟釀
陳皮咸檸檬川貝蜜梨/陳皮紅豆沙翁
(選用四十年新會陳皮)
沒有留言:
發佈留言