2023.9.19 (Tue)
Lady M
炎炎夏日,八月尾颱風蘇拉殺到,九月頭來個五百年一遇世紀黑雨,之後日日落大雨,氣溫得以降低多少,有兩晚冇開冷氣睡也可以。 到上星期六開始陽光重臨大地,溫度又再回升。 隨着近年日益嚴重的地球暖化趨勢,氣候越來越極端化,本人並非環保人士,個人認為有人類一日嘅日子就不會有環保嘅一日,科技越發達,資訊越方便,天然災害自然越來越多。 試問各國又豈能甘於人後,自保競爭必然持續。 前幾年尚有地球村這個概念存在,18年烏克蘭與俄羅斯尚在足球場上較技,現在兵戎相見已一年有多;非洲各路軍閥力圖擺脫法國勢力重奪地區資源掌控。 一場Covid 19 將整個世界撕裂。 在此為俄烏戰爭,摩洛哥地震及利比亞洪災的死難者致哀!
感慨完就要重拾存在的樂趣,食好嘢就最實際,The Club尚有分數在手,今次小英子話換Lady M 的千層蛋糕,Lady M, 千層蛋糕的始作者,我資訊唔發達,所有訊息來自小英子傳達給我。
今次揀了6吋百爵茶口味,原味冇貨,先在Club 落單,再Send Email 俾Lady M 確認領取蛋糕日。 我今天一到店舖,店員妹妹已經凖備妥當,十分便捷。 個六吋蛋糕真係幾大個下,要嗱嗱聲拎番屋企,我出街後不停標汗,我不想個蛋糕好似我咁!
蛋糕今晚食了一半,不甜好creamy,一層層的口感好特別。 好吃!
沒有留言:
發佈留言