西營盤第三街
Chicochica
西班牙文男與女. 最近到朋友在西營盤開的西班牙餐廳, 店子小小, 主打西班牙小吃, 而基本上都係西班牙意念, 港式fusion. 餐廳老板之一Jerry 好好人的, 我們四個人, 每碟小食都會分到有四人分, 不用爭.
話就話小食, 其實可以當飯食, 因為都有西班牙海鮮煲仔飯食, 食物的確好fusion, 就好好吃. 美中不足的是店子太小.
店子大廚曾在香港星級廚房工作, 再到西班牙巴塞深造廚藝, 手藝了得.
超滿足的一晚, 好酒, 好菜, 好朋友.
今晚四個人五支酒, 其中一支意大利Turasi 97, 張相File 壞左, 最奇係影左幾張全部壞晒, 撞鬼! Turasi 香港唔係好多地方有賣, 亦唔多重視, 畢竟意大利酒何其多款式, 巴魯魯, 巴巴利斯高, Super Tuscany 都霸佔了整個市場. 支酒好似巴魯魯, 但就欠缺巴魯魯的細致, 柔滑. 不過年分造就好酒, 已經超越本身質素.
放工在附近買的Meursault, 估唔到好飲到非常, 好奶油蛋黃, 酒體順滑, 真係可以飲唔停, 朋友話似後味似花彫, 想即刻走去食大閘蟹
朋友拍賣番來的布根地, NSG 一向非我所喜, 今日有專家Serve 酒, 令人耳目一新, 朋友話要decante 起碼三個鐘至可以飲, 今晚原瓶透氣兩個鐘剛剛好, 好好飲, 泥土氣息超正, 層次秩序井然, 我絕對相信此酒在每人口中都會發揮到大致不同的感受, 複雜度超強.
好典型的澳洲Cab Merlot, 我自己認為抖唔夠, 落decanter會好一點, 可以掃一掃一層少少異味
06 年Cava, 有點兒過Chill 過籠, 太凍, 但梨子香清新細緻
磁磚牆是巴塞地圖, 灰色打斜的是巴塞林布蘭大道
Tuna Tartar
漢堡, 好Juicy, 加片甜薑, 好吃
蕃茄餅
西班牙芝士
可樂餅, 傑米心
蝦餅, 我嫌麵粉多了點, 好飽滯
泰式蝦唔錯, 非突出
西班牙墨汁海鮮煲仔飯, 墨汁好重手, 墨魚圈, 蜆仔新鮮
西班牙原庄海鮮煲仔飯, 重點在番紅花和每日煮的海鮮上湯
沒有留言:
發佈留言