2015.9.26(星期六)
305分鐘的車程，7.48分發車，12.53分到達稚内駅整個上午都在車上渡過。10日4天任選火車証呢一程佔票價一半。我們預訂指定席要分開坐，我坐到旭川之後到自由席望吓，好多好多空坐，拿拿聲携行李過檔自由席，舒舒服服坐到稚内。
今日係今次旅程非常重要的一日，雪藏牌破冰之日終於到了，心情有點兒緊張，有點兒興奮。
租車在JR, 火車証有折扣，租車處設在車站之内，等英英之際，一聲Chin san被逮過正着。JR 叔叔隨即帶我到辦公室簽約。一輪雞鴨溝通後，攞車。我今次是第一次租車，亦是10多年後再次坐上司機位上。好緊張！最緊張嘅係JR 叔叔認為我好掂。不作任何操作上解釋，不用驗車，俾個鎖車遥控我等我開車。我唯有再作溝通，表現出弱智姿態，叔叔終於都肯作小小解釋。我唔敢再煩叔叔，大丈夫敢作敢為，一於櫻木上身…………打天才波…………
酒店房間面對大丸
酒店可以從車站地下街直達
早餐在月台立食soba
稚内駅隔鄰夢広場，亦是攞車還車處
開車第一站樺太食堂
驚魂未定，食而不知其味的三色丼
機車迷食堂
應老闆之邀寫紀念標語，寫下紀念自駕初體驗，三色丼皇者之店字句
泊在食堂側的小藍車就是我的坐駕
離開之時，手掣怎也拉不下，非常狼狽。最後莫名其妙地鬆下，我也鬆一口氣，定定神，回啖氣，信心返來。
第二站野寒布岬
到樺太食堂的路段，我曾在googal map上模擬駕駛，一條大直路，係我選擇作破冰第一擊的心儀道路。
日產march 小藍車，未嚟日本之前我都有睇過下可能會揸到的小車嘅性能及設備，march 係其中一款。今次配給藍色車系，實在好開心。
笫三站原生花園，行國道40線
俾GPS點左嚟呢度，冇門口噃
要重新找過，回頭在不遠處。開始熟習小藍車，我們是伙伴嘛
園内地圖，步道半小時行完
蕯羅布岬濕原
舒適的步道
不是花期，好糠
回程走國道106天盐線，沿海岸線行
此時正值黃昏日落
及時趕到展望台
漂亮的落日
今日美麗景色將永留心中
落水了
若果早到一小時，可以在此散步
月亮就在落日的對面
回到酒店天已黑齊，泊車時大鄉里，部車要搭𨋢，我唔知程序，好不容易開部車入𨋢，叔叔叫我下車，我照辦，部車隨𨋢而去，我才發覺行李仍放在車上。於是乎，請叔叔再call 部車出嚟攞番啲行李，超糗！不過，經一事，長一智。我拿行李之時，發覺部𨋢有鏡俾司機睇位，只不過我生手加緊張唔維意罷。
原本吃飯於此，食宗谷黑牛。散步前經過有開門，散完步已經關門大吉。唯有到超市買嘢食
超市在駅前附近
最北之站
海傍散步
海猿
沒有留言:
發佈留言