2021.3.13 (Sat)
樂翠台
裝修就嚟到百日,真係一場持久戰,20日搬屋終於露出曙光,櫃,地腳線門等星期四晚到,昨天小明等做防漏後將棚拆走,今日望出窗外,零舍心曠神怡。
現場所見,地腳線做好,門裝好,今日只得一位師傅到場,主力係先鋪主人房的牆布,星期一要現場做櫃也。而我們晨早到場係要等豐澤送雪櫃及洗衣機;石油氣師傅裝熱水爐及平面爐。石油氣師傅11點前到,安好熱水爐再搞平面爐便出事了,放平面爐口做得唔夠濶,放不下。師傅唯有先駁好線,話只要我哋師傅車寬多0.3mm,便可以將個平面爐放上,之後通知佢做檢測便可完成整個安裝程序。
我們原可不用再通知廚櫃公司找師傅上門車濶條邊,陳師傅都話可以幫我搞掂。但點都要佢哋承擔一下責任,話曬都俾曬呎吋,咁都做到咁抆水就有點兒說不過去。負責我們廚櫃設計的阿Ken係一個好有責任感的年青人,通知佢之後,好快覆我們師傅會星期一或二到場搞掂佢。
豐澤今次就冇上次咁早晨,11:50才送貨到場。
門安好
地腳線做好
玄關圓拱形門
櫃,星期一才可以安裝
炭黑色圓拱形門框
廚房暫時可用來放雜物
開布
貼上牆真係好靚
尚未安裝的纖維浴缸
欠0.3mm
沒有留言:
發佈留言