2022.1.6 (Thur)
柴門CMON
搬到柴灣之後，一直想在家居附近找一間比較好的西餐廳，方便唔煮食之時舒適自在地食餐好嘅。小英子揾食方面係比我積極進取很多，而且通常都很有心思，今期找來呢間位於利眾街東貿中心六樓的柴門西餐廳。在Openrice 內評價唔錯，我Whapsapp 訂枱都好快覆我，而且很有禮貌。我個人係非常重視禮貌的，唔開心食甚麼都冇味。原本是預訂星期五晚的，碰巧林鄭星期三緊急宣佈星期五凌晨開始一連14天禁晚上堂食，1800 開始。急急改今晚，盡最後努力食左先。
餐廳服務態度一流，有詳細介紹菜式；酒方面，開瓶費100元，但今晚我冇帶酒，餐廳方面對自家的酒自信滿滿也。果然酒價絕對合理至極，除非想飲自己的，否則可以在此叫酒；環境方面，10枱客左右，很企理，洗手間亦整潔；最重要的食物質素，分量足，好吃，合格有餘但未算精緻。一間值得再次光顧的餐廳。
蝦多士，田螺盒
蘑菇湯 👍
高湯魚柳配帶子 👍
油封鴨肶 👍👍
特濃朱古力餅加辣椒絲
沒有留言:
發佈留言