天九拜年

2023.2.4 (Sat)

Home

好難得有人主動嚟我屋企拜年，而今次呢個絕對要好好招呼，我四月波爾多之旅靠曬佢 book 左岸酒莊。基本上我近年主力參加嘅wine dinner 都係幫襯佢公司，而佢兩個亦都係最信得過嘅酒友/朋友。呢兩條友，女的應該就冇男朋友，男的就好少帶出來，可能因為換得太快吧，今次肯帶上嚟我屋企，睇嚟都走唔甩矣！除左呢三個人外，仲有個金融才俊，我唔知佢番左香港，以為佢將基地搬到女友老巢韓國。

有朋自動請纓來，一定要好好招呼，唔煮就買，英英買芝士及柴灣名物新桂香叉燒及燒腩仔，我就買刺身及啤酒。而來賓亦帶好多手信來，沙律甜品等等，實在吃不完。

好高興兩個才俊，一個美少女，一個大家姐一起光臨寒舍拜年，才俊與大家姐真係好俾面，夜晚仲有節目，俾我就唔會走兩場咁辛苦，才俊真係留個一粒鐘便要撤。兩個走後GW和女友梗係要同我和小英子打番場天九，繼而再嚟個斜釘作結。

我從來都不是一個觸目的人，亦不是螢火蟲，一直以來唔知道大家點解對我咁好...... 想著想著眼眶有些少濕潤，就此作結！