Gap Life

人生罅隙
牛池灣文娛中心劇院
2014.11.16 (Sun)

都有好一段時間沒有睇話劇, 團劇團是我們一向睇開的基本話劇團, 駐場於牛池灣文娛中心, 與我們居住的地方並不太遠, 45 分鐘定必去到, 交通便利是原因之一. 對已故劇團創辦人何偉龍先生對話劇的熱情, 年輕人的栽培更是十分之尊敬. 之前的作品長髮幽靈都好想去睇, 不過悠悠閑閑又忘記了去睇那回事. 今次見係原創音樂劇, 興趣大為提高, 拿拿聲訂票.

話就話音樂劇, 但就並非由頭又唱又跳到尾, 音樂反而是其次, 戲劇為主軸. 那些唱與跳盡是由戲劇班的新人負責, 可能是讓他們吸取舞台經驗吧, 我自己看就是劃蛇添足, 多場群舞實在幾無謂下, 徒令時間拉長. 有心栽培新苗的話, 大可慢慢滲進每一齣話劇之中, 從中挑選有潛質的, 實不用我們觀眾一起挑選.

Gap Life, 導演陳淑儀先生與伍潔茵小姐的舞台經驗都毋庸置疑, 反朴歸真的舞台駕馭, 絕對難唔到他們. 今日整體上的燈光, 場景排序, 劇情高低潮起伏位, 對白設計等等, 我自己係非常之滿意. 真心期望這群熱愛話劇的年青人能夠在遇到人生隙縫之時順利跨過, 創造美好人生.