江戶日本料理 李白 八海山
鐵人旨花 出羽鶴 奧之松
一連兩晚的清酒美食遊, 壽司之夜先響第一炮.
第一輪: 江戶日本料理
壽司做得好classic, 完全食手工及材料, 極有水準
李白, 花間一壼酒, 大吟釀, 袋搾
李白位於島根縣, 鄰近廣島, 自己閑時都會買來飲, 中國酒仙, 飲個名都要啦. 而且酒莊代表一直很用心到各處推介其酒莊, 值得尊重. 今晚的花間一壼酒, 果香足, 層次感亦夠強, 很不錯的清酒.
八海山, 大吟釀
八海山位處新瀉縣, 就在福島隔鄰, 其大吟釀, 自己會稍嫌淡口些少, 不過同行幾位酒友飲後俱很喜歡
前菜: 熟蝦, 三文魚, 酒粕牛油果吞拿魚刺身, 竹筍
起先無人介紹, 一路食一路研究, 又要飲酒, 所以食得好慢, 最後拉得店方一位職員介紹, 才略有所知, 讚嘆之餘, 將食物秒殺, 因為要趕下一輪.
芥茉西蘭花, 青青綠綠fresh 到有假的感覺, 田園feel 滿瀉
螢光魷魚, 自己食飯好少煮魷魚, 膽固醇問題. wine dinner 就無有怕. 見到就想吃
壽司盛: 野生金鎗魚腹, 金目鯛, 赤鮭, 牡丹蝦, 軟殼蟹卷
七件壽司都好好食, 由其是軟殼蟹卷, 牛油果綜和了軟殼蟹的油膩, 既清且香.
第二輪: 鐵人旨花
屬於新派壽司屋, 走創意年輕路線, 唔係唔好, 較為花肖
出羽鶴, 飛翔之舞, 大吟釀
出羽鶴地處山形縣, 東北地區, 飛翔之舞很輕盈, 易入喉, 帶清爽果香, 走靈巧路線
奧之松, 十八代伊兵衛大吟釀雫酒
位處福島縣, 一個曾被海嘯沖襲過的地方, 酒莊代表見我大口大口飲, 臨走時開多一枝留俾我們大飲特飲, 好有人情味, 之後買清酒要揀多隻牌子.
花壽司: 蕊, 蕾, 芸, 萌, 鐵人旨花卷
上一輪已經食到大半飽, 食慾打了折扣, 但就十分欣賞其壽司的創意, 至於店員對食物解釋清晰, 是一間很有誠意的餐廳.
沒有留言:
發佈留言