旺角足球場
東方對傑志
走進球場看本地足球賽事近年少有, 今日老友B幫手買埋預售飛, 一行六人向旺角球場進發, 見證16-17 年度的港超聯盟主誕生. 今日為聯賽的最後一場賽事, 東方領先傑志一分, 故此傑志是非勝不可, 令賽事可觀性提升不少.
近年都有在電視看過傑志的賽事, 如要我揀一支喜歡的香港球隊, 毫無疑問就是傑志. 由其是今年的亞冠外, 第二回合對著南韓球隊, 基本上實力有明顯的距離, 但在客場對戰, 雖然以守為攻, 但在控制節奏上, 踢來絕不失禮, 對其在前線孤軍作戰的前鋒辛祖留下非常深刻印象, 之前我都唔知他是誰, 今日有他上陣更加令我大為振奮.
進場後與老友C 交談, 他與B都是我的舊戰友, 亦是真球迷, 熱愛本地足球, 今年已經多次入場撐港隊, 得悉辛祖暫居神射手榜榜首位置, 我絕不稀奇, 反而睇極都唔見我最熟悉的華將林嘉緯和盧均宜則大為奇怪, 今場可是今年球會的最矚目大戰. 據C 說, 他倆年紀漸大, 很難坐穩正選一席位, 大戰當前, 更加不容有失, 傑志奪冠後, 來年便可直入亞冠分組賽, 亞冠賽一直是傑志會方的頭號目標, 為了來年可以與亞洲一級對手對賽, 今戰絕對不容有失.
今場入場球迷6413人, 全場爆滿, 氣氛非常之熱鬧, 與當年大球場爆滿有28000球迷當然有分別, 但由於與球場距離近, 傑志球迷會又口號, 又大鑼大鼓, 卻產生了另一種足球熱情. 雖然全程曬到無倫, 無風酷熱, 我都睇得興奮投入.
全場比賽傑志以4:1 大敗東方龍獅, 完全技術性擊倒, 辛祖分別在10分鐘接應費蘭度傳球, 頭槌首開紀錄, 40分鐘門前近射成2;0 替球隊奠下勝基, 77分鐘完成帽子戲法, 助傑志4:1 大敗東方龍獅. 華基斯為傑志另一入球者, 替球隊射入第三球, 東方後備入替的勞高遠射追成1:3 一度重燃希望. 我認為今場波傑志首要贏在體能及速度上, 一開波已經向對手全面施壓, 踢法主動, 領先後, 多番失機, 否則可以更大比數拋開對手, 技術上, 華杜斯完全控制了中場, 左翼費蘭度更加完爆東方右路防線, 東方教練不立即堵塞右路防線, 絕對是一大敗筆.
優勝劣敗, 給我一個現場重新認識本地足球的機會, 真要多謝老友B, 讀書時, 我們已經是大球場的座上客, 綠茵場上的好戰友.
第一次親臨重建後的旺角球場
傑志賽前熱身
全場爆滿
先禮後兵
大戰一觸即發
傑志上半場已經領先2:0
下半場我們的座位前才開始有多些看頭
總比數傑志4:1 大敗東方龍獅
冠軍頒獎
氣氛熱烈
80大元一位, 抵睇
沒有留言:
發佈留言