大蟹天國→汗蒸幕
今天主要是購物日,團長與副團長朋友多,有很多手信需要買,今次已很遷就我倆,玩多過買。今日不跟 local 不用早起,11 點酒店地下集合後出發往食皇帝蟹。在香港,冇人吹雞食皇帝蟹; 去旅行,人唔多食唔晒,今次終於可以一試皇帝蟹滋味,實在快樂到非常。
問DP借了兩張韓國八達通,今日始可大派用場,昨日已經在便利店入了5000韓圜 per card 應該夠用。韓國 MTR 車厢内只現韓文,只能靠地圖上的車站號碼對照車站上的車站號碼識別,初次玩都要多些時間適應。轉了兩次車行一陣才到達那隻大蟹天國,門口隻大大模型蟹都未拎出嚟擺,大家落足眼力對清楚個名才進內,其實我們已經訂座,响名已可,只不過驚未開門也。
8個人佔了此店最大間房,姊姊曉普通話,溝通冇難度。我們要 set,人均 l kg 即是主角的皇帝蟹、鱈場蟹、龍蝦,加埋最少要 8 kg,其他配菜每份一律分 8。我們問準皇帝蟹 6 kg 一隻夠 8人食,再加多隻鱈場蟹,砌夠重量即成。好吃又食得舒適,正副團長好介紹。
食完搭的士去東大門血拼,我拼極都係買左枝特價美國酒,約好時間分頭行事,1730 集合。買完酒用 google map 尋找汗蒸幕位置,毛毛雨正宜Sauna 一番。好快成功在附近找到一間汗蒸幕,9000圜,好抵玩。我換完衫,冇帶眼鏡朦查查找了10 分鐘也找不到汗蒸幕個位置,睇睇鐘已經 1615,為免夜長夢多,决定當玩大浴埸般浸浸蒸蒸。蒸一陣已經忘卻汗蒸幕,出場會合小英子才知汗蒸幕要出場再下一層樓,唯有留下遺憾離開。
會合大伙後,我倆先回酒店休息一會再出動會合大家一齊食晚餐。今晚晚餐地點再到前天的長安蔘雞湯食。
晨早起身揾蒸蒸
等齊人出發揾蟹食
今朝早餐都唔食
食蟹,搭完 MTR 仲要由 DP 手機引路
長命斜
過馬路即達大蟹天國
皇帝蟹果然有風範
有比較、幾大隻
配莱
皇帝蟹、鳕場蟹,蟹開得好靚,蟹殼一揭即開,蟹腳肉可以原條無毀地吃,若要加餸食蟹膏炒飯,就要留膏唔食
豪食到要問團長借錢找數
找汗蒸幕
我倆選擇的汗蒸幕: 東大門 Sparex 汗蒸幕、Good Morning City 商塲 B3/F 地鐵東大門歷史文化站 14 號出口
玫瑰雪糕
韓風之旅最後一夜,美國 Merlot
首爾→回港
時光飛逝,回家日子到,食完早餐,10 時正專車往機埸,1325 機回香港。
總結行程,非常滿意,大啖皇帝蟹、夜遊南山塔、暢遊南怡島、鏡浦台賞櫻、遺憾汗蒸幕、天朗氣清注文海、鮑魚人蔘雞、DP 韓燒慶生…………等等。最難得的是這麼多好朋友不介意與我倆一起外出旅遊,JL、AC 事先打點、張羅,機票、酒店、生日蛋糕…………等等。無言感激。
沒有留言:
發佈留言