60慶生19結婚週年

 2023.3.19 (Sun)

沙田18

識JP咁耐，好似未在沙田18搞個我的慶生派對，今晚好開心俾佢知道我生日與結婚週年都是同一日（明日），咁啱P又剛好從美國久別回港，有兩年冇見面了，一於約埋大家一眾好友去JP老巢沙田18打搞佢。

不經不覺到了登陸年齡，和英英共行了19個年頭；今晚五啤人，JP，KK及DC 三啤人結婚都耐過我，GM就未結婚，我睇都走唔甩，呢斑人都係我老了才結識的朋友，正如J 所講，我們是老朋友，老了才認識的酒肉朋友，合則聚，不合則散，我們可以維持到咁多年，實在非常之難得；對酒當歌，人生幾何，我們只是塵世間匆匆走一轉的過客，過去？未來？不如珍惜當下。