2023.10.12 (Thur)
香港→高松機場→Toyota Rent a Car (高松機場店)→白山屋島灘溫泉 Tresta Shirayama
小英子預約了的士0730樓下等，320大元方便快速。 未入閘前先到Canteen 食早餐，我食糯米雞，英英食粥炒麵，退休後好耐未同小英子一齊食過返工早餐，差不多有二十年工作日早上都是如此一起渡過。 Canteen 質素出乎意料之外地好吃，我吃的糯米雞合格。
食飽入閘，第一時間裝水，小英子暈浪藥要兩個鐘前食，上次記得係5號閘口有水機，上次找水機要費一番時間，所以記住了 閘口號碼，方便下次再幫襯。
今次搭HK Express，英英 Online Checkin 後係沒有收到email 的，絕對簡約廉宜的表表者。 46號閘口登機，搭一程車，凖十一時起飛，航程3小時15分鐘，日本快一個鐘，1540 到高松機場。同一時間國際航班只有我們一班機，過關人口熟口熟面， 人不多，非常順利。取行李後出關便見到租車Counter， 我當然幫襯我多年的老主顧Toyota Rent a Car，奇怪的是Toyota Rent a Car 個Counter 是我歷年來見過最多人聚集的一次，機上坐在我隔鄰前後左右的旅客都有幫襯，去機場店見更多同機朋友。 搞完手續都差不多1700多。 今次坐駕是Pixis Epoch，CO Type 迷你車，尾箱不夠位擺行李，要放下後座背板才可夠位放行李，三年沒有掂過車，但Epoch 好好揸，車仔細細揸起來完全冇壓力，好正！
1745 抵達今晚住宿地點Hotel 白山Tresta Ashirayama，揀了1830食晚餐，白山行太夜唯有取消。 食完晚餐在飯店外圍行一陣便去浸個靚溫泉，久違了的溫泉，浸在其中實在太美好了。
凖時出發
到着高松
房間寬敞舒適
完全預約制
晚餐 👍👍
初嚟埗到自己叫枝 Welcome drink
沒有留言:
發佈留言