2023.10.22 (Sun)
天狗荘 → 道の駅みかわ → 砥部焼観光センター炎の里 → 道後溫泉街 → 道後公園 → 子規記念館 → 道後館
今天景點集中在道後,可以慢慢來,天狗莊check out 後便往道後方向進發。
第一站道の駅みかわ,呢期在道の駅經常見到機車友,今次見得最有規模。 今朝冇早餐吃,只有大福與冬甩,在此食個早餐,雞五目そば,英英食雞五目烏冬,味道認真之麻麻,粒雞肉又乾又細。
第二站砥部焼観光センター炎の裡,我麻麻地喜歡,一來我不識,二來我不買,有人介紹還可以,自己亂行亂睇就好快玩完。
第三站道後溫泉街,未行溫泉街先找到道後館先,今晚入住的地方。 睇錯位,入早一個街口,去左條死路,回頭單程遇對頭車,退車時,對頭叔叔好好人,率先往後退車,我就不客氣食住上,順利出車到大路找到正確街口到道後館。 道後館前已經有職員在替客人搬行李,泊車,極之貼心。 放下行李後,經道後溫泉街往道後公園。 途經道後溫泉街大感觸。 14年到訪此處,當時夜訪,許多店舖已經關門,有些蕭條感覺,見到道後本館正在裝修,更添感慨! 不過始終是名聞天下的道後溫泉,人氣爆燈,人多好熱鬧! 剛好1400,少爺鐘動起來。
第四站道後公園,今日公園有活動,唱歌跳舞少不了,我們趕上唱歌項目,都幾好聽,我喜歡打鼓叔叔,離開前飲杯蜜柑汁。
第五站子規記念館,英英睇得好仔細,我主要係看video。
輕輕鬆鬆完成今日行程,在道後梗要浸個靚溫泉,食個大晚餐。
英英影的天狗莊日出
離開
道の駅みかわ
我的雞五目そば
雞五目烏冬
砥部焼観光センター炎の里
道後館 👍👍👍
道後溫泉街 👍
維修中的道後本館
九年前幫襯過的道後麥酒館
鯛魚拌飯今晚道後館有得食
道後本館
少爺鐘
道後公園 👍
多多有幫襯
子規記念館 👍👍
四季晚餐 👍👍
沒有留言:
發佈留言