2020.11.14 (Sat)
御鋒磁磚
天陰陰,約左陳師傅揀磚,上次走上深圳田貝四路揀磚,今年疫情關係,改為在香港揀。選擇都好多,價錢就貴D。
磁舖位於新浦崗五芳街榮盛工業大廈天台,鄰近彩頤花園,鑽石山地鐵站步行5分鐘可達。鑽石山地鐵站可是我當年經常放工後會到的地方,一個星期大約兩至三天會到志蓮淨院上堂也,好有感情。今日早到,先探訪荷里活廣場的馬莎百貨再去會合陳師傅揀磚。
磚舖都好多好貨色可以揀,包括我們心儀的綠色六角磚,打算用作洗手間地磚。今次總共揀了四款磚,洗手間牆壁,地下,廚房牆壁與大廳地下。花多眼亂,好在有小英子做好功課,心內有底,否則在我看來,花款顏色,質地呎吋款款都好似差不多,實在選擇困難。
沒有留言:
發佈留言