居酒屋皇子公主歡聚

 2020.11.7 (Sat)

六本木居酒屋

上次與ZK在Lion Rock酒聚之後，相約今晚再聚，今次到他們的老地方地點就在我窩居附近，徒步八分鐘可達，真係方便到無倫，若果店子好吃舒適的話，實在可以多多有幫襯。

約左7點，在家裏hea到6點9左右出門，比他們早到，問起誰訂位，講一大輪都冇佢地個名，講電話才知道他們用皇子公主訂位，我雖然知道阿K被喚作公主，但就唔知道佢熟到用公主之名留位也，我一介平民百姓，點會估到與皇室共聚呢。

老闆是台灣人，有利酒師牌，對日本酒所知甚詳，為人非常好客，可以與客人打成一片，收舖後更不時與眾同樂，與熟客們唱歌飲酒。老闆話星期一至三都會有日本酒講學，搞到我心思思想到場學下嘢。

居酒屋的食物好吃，店子都大，其實我和小英子都有幫襯過上手同址的餐廳。收舖後老闆都有開卡拉OK玩，剛巧有一隊本地樂團在，聽他們唱歌，坐到11點多便離開，實在好眼瞓。皇子公主要盡興，唯有先行一步。