2022.4.5 (Tue)
清明節有咩好做呢?英英提議清明山上行,我就麻麻地喜歡公眾假期郊外行山,有感之前星期六入西貢覺得實在太多人也。折衷一下,來個短線休閒遊,就好似日劇的行路人一般,散步去也。今日一於來個休閒日落行,上午睇完天魔大師來也最終回,再睇最近橫掃各項大獎的 Drive my Car 上半段,1500出發,在西環食個下午茶,間茶餐廳超多人,我們幸運地剛好有人走,不用排隊便有位坐,嗱嗱臨食完便走人,唔好意思阻人做生意。食完搭43M 在碧海閣站落車,過馬路轉落大口環路下行到底便是沙灣了。
今日咁好天,又係假期,個石灘竟然唔係太多人,有點出乎意料之外,到此主要就係睇個石做泳棚,香港現存的不多,好快已經可以埋到位打咭,hea一陣便離開,要趕在日落之前去落日觀瀾亭霸個靚位睇日落。
行返上域多利道前行不遠便有樓梯落觀瀾亭,又唔算多人噃,可以行出亭外的岸邊大石上睇日落,無遮無掩對正個太陽,坐在石上又幾有feel,就好像回到2001年之時,在希臘小島上睇日落時的景緻般,地點不一樣,但浪漫組合是一樣:夕陽,小英,輝輝!
望著落日淹沒在山稜之後,餘輝尚存之時,大家一哄而散。我們亦如先前一般,上接域多利道之後,便向下行往堅尼地城完成今日落日浪漫之旅。
沒有留言:
發佈留言