2022.4.18 (Mon)
昶
復活節長假期內,天天食好嘢,日日開懷暢飲,非常之有罪惡感,生活得好唔實際,如夢如幻,似真似假。雖則如此,好光陰有限,活得快樂便好。
今日是復活長假期最後一天,前些時候找到佳哥最近新做的餐廳,立即 book 了今日下午到來,自從佢冇做 Omakase 之後,實在冇乜興趣食其他的 Omakase,就是感覺不到其他師傅像他一般的將食物傳遞給客人的純正心意。今後終於可以再次享受到食 Omakase 的樂趣。
昶比我感覺比起之前佳哥做的餐廳好像更上層樓,環境超級舒適寬敞,而負責鐵板燒的是曾經離開過香港到國內發展的泰師傅,另外一位師傅是最初認識佳哥時在荔枝角鮨藝館工作的Lee師傅,據聞尚有一位鐵板燒師傅將會到來,如此便組合成 Omakase 最強團隊。令人期待。
一路食一路聯絡JW,佳哥是JW介紹識的,一直跟住佳哥搵食,我竟然快過佢食,實在好難想像。原來佢原本都係今日嚟食,只不過臨時有事取消,立即約佢下星期齊齊嚟吃,好好聚一聚,疫情之下,兩個月都冇見,我和小英子都好掛住佢。
佳哥的手藝仍然是冇得頂,今期連個場都咁正,真的是相得益彰,襯到絕。
佳哥與泰師傅
前菜
沙律
茶碗蒸し
石鯛
深海池魚
金目鯛
平貝
北海道甜蝦
赤身 (配海鹽)
梳子魚沙甸魚
中拖羅
大拖羅
海膽
赤血引
拖羅太卷
地膽毛蟹
焗蛋布甸
鐵板燒房
佳哥賜飲
麵豉湯
綠茶奶凍
沒有留言:
發佈留言