天空花園

 2024.3.17 (Sun)

譽港灣

在wine dinner 識了DM 兩夫婦，他們非常客氣，由其是CM 經常提起因我而認識了很多酒友，真是太客氣了，我身邊這群酒友係不需要我做中間人也會認識的， 時機而已。 今晚造訪也是因為想請我吃飯，太受寵若驚了。 恭敬不如從命，坐言起行。 譽港灣未去過，DM 好清楚教我點行，英英亦近期去過那附近，一於靠佢兩個帶路。 搭屯馬線在啟德落車，上兩層過天橋落番地下行到住客中心登記，再搭電梯上佢屋企。 如是者，一踏入屋內，真的有些嚇親，冇想過住得咁高可以有個兩千英尺的花園，真的如天空之城的花園一般，實在太靚喇。 坐在花園一旁嘆香檳，一邊享受落日馀暉，大有人間何世之感！ 入黑前入內進餐，CM 果然煮得一手好菜，難怪要請我吔飯。