2024.3.22 (Fri)
倉敷→美星天文台
矢掛屋
晴
昨晚睡眠質素極佳，早上0700起床，先到一樓食早餐，dormy inn 的早餐一直以來都款多好吃。 食住見一位老兄斟了8杯可樂坐在單邊位上，可能是食完外帶吧，我估計不會一個人晨早飲8杯可樂掛。不過，難怪出現此等現象，dormy inn 主打慷慨，onsen 完有雪條，益力多任飲任食；夜鳴そば食完不夠可以再添；咖啡、汽水任飲任取，兼且可以外帶；今次小英遺失keycard，check out 時亦無須罰款，條款寫明要罰錢。
上午行程到倉敷美觀地區，原本下午去吉備的行程取銷，改為玩完倉敷美觀地區便到今晚的住宿點矢掛屋休息一會兒，1800 前到美星天文台，今次行程重點一遊的地方，天氣預測明日天氣不佳，今晚是唯一機會造訪。
旅遊書提到美觀地區假日停車位一位難求，今日雖非假日，昨晚小英子已經找了幾個停車場的電話號碼，以備不時之需，幸運地第一選擇市營停車場有空位。 停車場位置好，經過馬路便是大原美術館分館，再前進便是大原美術館。 今天天氣晴朗得緊要，使得整個美觀地區格外漂亮，未入大原美術館前，先在附近的今橋欣賞佈置在倉敷川兩岸的日本彩傘及經過的川舟。
大原美術館開館於1930年，是日本首間私人營辦的西方藝術館，創辦人大原孫三郎，主要作品有畢卡索的鳥籠，莫內的睡蓮，格列柯的受胎告知，兒島虎次郎的少女之眠等。 館內不單止展出外國畫家的作品，明治時代以後的日本畫作亦網羅甚豐，可說是目不睱給，大開眼界。 離開大原美術館後預計坐川舟遊河，但見兩岸人聲響不絕，大有束縛之感，決定取消。
過橋到對岸覓食，誤打誤撞入了間自助烏冬店名玄，入去都未知是自助形式，坐低便知道。未玩過好新奇，研究流程，再經姊姊提點，總算順利完成，有得食。我們是最後進店的客人，遲來便望門興嘆了。
食飽行街，在倉敷帆布店買了兩件大名家紋T，4400半價2200，好抵，我揀了織田信長，英英選坂本龍馬，2200 再特價1500，最後一件，仲係細碼，fit 到爆，幸運星高照。 我就估不到龍馬都有家紋，睇嚟我都要整番個家紋。
到達矢掛屋，稍事休息後外出買今晚食物，椰蓉餅，杯麵，飯糰。1800前到達美星天文台，我們是最早到達的入館客，車泊在一個很大的停車場，離天文台大約10分鐘腳程。雖然已經開館，但要等到1900 才有專人set 好望遠鏡俾我們睇星。 今次主要係想試館內的101cm望遠鏡睇星，另外再有兩部細口徑望遠鏡作為伴碟小菜。今晚觀星客大約10人左右，輪候時間不多。天文台位處高地，入夜後氣溫極低，戶外不能久留。回矢掛屋後，洗衫，夕食，onsen，寫日記，開作戰會議，好累。
三色吉備糰子，青BB的麝香葡萄味最好吃！可惜一直在路上留意都找不到。
回覆刪除