是木狼好還是金塊差，木狼主場拿下Game 6

2024.5.17 (Fri)

Target Center

早上睇了一場莫明其妙的球賽，金塊作客木狼，系列賽金塊領先3:2 場數。賽前我係非常看好金塊能夠順利擊敗木狼晉級西決，但金塊就只打了三分鐘好球，9:2領先之後便兵敗如山倒，第四節早段已經舉白旗投降，全場70 :115，45分之差大敗給木狼隊。 我不覺得木狼打得很好，只係覺得金塊打得很差，戰術很多時已經做出來，亦有很多open look可以射三分球，但就是遠投近射都無法放個波入籃。 Jokic開局已經不停餵波給隊友，可惜連佢嘅最佳拍檔梅利都手感冰冷，唯有自己幹，但唐斯進攻三分球麻麻地，全力防守Jokic又做得很好，逼得熊貓對號入座只能外圍射三分，不過又屢投不進，主將不靈光，後備更不用說，一隊越打越沉，另一隊就越打越順，此消彼長下，比分越拉越遠到完場。木狼拿下G6，搶七戰在金塊主場進行。

垃圾時間之時，見金塊眾將坐在後備席上頭耷耷冇表情，唯獨是功夫熊貓企起身冇坐低過睇波到完場，班大大大後備真係打咁好睇，鬥得咁精彩？從熊貓嘅眼神内，我看到一團火，一叢復仇之火種；從不坐下的行為表現，可以看出那股不服輸的氣勢。 無論如何，縱使如何不服，誰勝誰負，只有打過至知。 有信心金塊可以絕地反擊拿下勝利闖入西決。