香格里拉九龍廳
連續四晚大吃大喝, 頹廢不特止, 係身心俱疲. 前三晚倒頭便睡. 今晚真的只能點到即止.
好久不見的酒友今晚現身相見, 快樂. 好酒要有好朋友一齊飲會更好喝也.
今晚可能唔想飲機能影響之下, 好自然地只飲最好的萬壽而已.
我未食過香格里拉九龍廳, 今晚食過之後, 同行友人一致認為, 沒有下次.
我唔算係一個好挑剔的人, 付出的成正比已經可以, 而且偶一失手, 事屬尋常. 但今晚的侍應真的太弱雞. 出菜可以唔按牌章, 俾誰就俾誰. 我早走, 朋友遲些走, 竟然對他講收工啦! 我真係接受唔倒呢種趕客式服務. 服務質素惡劣都算啦, 人好主觀嘛! 菜凍先死, 堂堂大酒店, 唔係另一種"大酒店"嘛. 講講下, 寫到好似我最憎個阿蘇那種乞人憎寫法添!
不過, 最緊要好玩, 我好少留胖影, 今晚都影那個幾張合照, 基底上好開心. 只要將飲食放在與好朋友相聚之後, 一切皆顯得一片美好.
今晚沒有影酒相, 分別是:
久保田30周年記念酒, 味道偏向簡單, 清爽為主.
久保田千壽, 碧壽, 紅壽, 萬壽, 飲過太多次, 都係萬壽最好. 其實有某些場合, 我會較喜歡碧壽.
久保田祝酒儀式
丁香雞卷，燒腩仔，桂花鵝肝凍，油炆春筍，香露蝦扇
普通, 唔吸引
金瑶醬露筍玉带蝦球
我唔鐘意傳菜的侍應, 攪到我都唔鐘意呢道菜, 係我有問題
杏汁蜜瓜燉響螺雞湯
潤喵
碧綠花菇燴湯鮑
飽魚好味道
麵醬蛋白蒸海星斑球
我老友食魚專家都唔吼, 凍也
香宮荷葉飯
這個好吃, 老友唔食, 俾小英子做午餐
楊枝甘露，棗茸酥，綠茶蛋撻
老友又唔食, 我要食雙分
沒有留言:
發佈留言